لو اكتشفت انه شريكك \ شريكتك فيه مرض بتستمر معو ...!!!

[DaRk]

تحياتي اخواني

بعد ما قرأت موضوع قوت القلوب بالنسبة لموضوع الانجاب خطر في بالي موضوعين هاذ الاول وراح اطرح الثاني بعد هاد

بالنسبة لهاد لو اكتشفت انه شريك \ شريكة حياتك فيه مرض وهالمرض مو مرض كبير لكن راح يأثر على حياتكم

هل راح تستمر في الموضوع ولا تنهي

انا من جهتي لا ما بقبل !

بتمنى ارائكم وانتقاداتكم

مشكورين

[قوت القلوب]

يعطيك العافية داارك ,,

موضوع حلو وحساس نوعا ما ,,

بالنسبة الي على حسب المرض ,, يعني لو مرض خطير وما إلو علاج ,, اكييد مابرضى ,,

بس لو مرض عادي يعني زي حساسية او ربو ,, يعني شغلات ما رح تأثر على حياتو او حياتي اهم من كل شي طبعا :1540-image: اه عادي بستمر معو ,, يعني على حسب نوع المرض ,,

يسلمووا ايديك دارك عالمووضوع الحلو , بانتظار باقي الآراء ..

[DaRk]

الاحلى من الموضوع هوه مرورك قوت

بس انا قصدت مثلا مش حساسية او ربو يعني مثلا مرض اكبر من هيك بغض النظر عن نوع المرض

احترم وجهة نظرك تحياتي الك

[!"شموخي يكسركـ"!]

موضوع رائع داارك سلمت

اذا كنت قد فهمت السؤال بشكل صحيح ف :

برأي اذا كتشفت هذا المرض بعد ارتباطه فيه طبعا سأقف بجانبه وساحاول جااااااااهدة
ليتخطى ويتعدى هذا المرض لانه حق علي بان اهتم به وارعاه في هذا الظرف الصعب
وان الله لن ينساني من الاجر والثوااب والحياة الزوجية عون ومساعدة وتخفيف كل طرف عن الطرف الاخر
قدر الامكاان ..

سلمــــــت يداك اخي الكريم دمت في حفظه q2

[قوت القلوب]

الاحلى من الموضوع هوه مرورك قوت

بس انا قصدت مثلا مش حساسية او ربو يعني مثلا مرض اكبر من هيك بغض النظر عن نوع المرض

احترم وجهة نظرك تحياتي الك

اذا كان المرض خطير أو معدي ,,

اعتقد ان الرجل نفسه لايقبل أن يؤذي أي شخص ,, فكيف وان كانت زوجته ,,

سؤال صعب الإجابة عليه ,, اذا قبل الزواج مابستمر ,, اما بعد الزواج بستمر وبتمشي الحياة عادي ,,

يعطيك العافية مرة تانية دارك عالموضوع الراائع ..

[ahmad]

ادا كنت مرتبط ما بتخلى ابدا عنه

ولوكان المرض مهما كان ولكن المشكلة

ادا كان المرض موجود قبل الارتباط ولا حدا حكى عنه

وتفاجئت انهم خبوا المرض عني هنا تقع المشكلة

ودمتم بخير

[بسمه خجوله]

سؤال حلو كتير
بس اذا كان قبل الزواج وعندو مرض معدي وخطر كتير متل (( ايدز بعد الشر عن الجميع او كبد وبائي او الزهري او شغلات متل هيك لا طبعا ما برضى انا متزوجة مشان موت :2538-image:
أما اذا سرطان او قلب او من هالأمراض اكيد ما في انسان عندو سرطان ورح يموت بدو يروح يخطب بس إذا كان مريض وتعالج برضى اخدو وبرضى بنصيبي وقسمتي ولو زوجر مرض بعد الزواج بمرضو وبدير بالي عليه
المفلاروض انا زوجتو وانا اللي بدير بالي عليه وبعطيه الإهتمام والرعاية
في قصة حب كتيييييييير حلوة وحقيقية كمان وصارت باهلي واحد طلق مرتو وبعد 10 سنين طلاق رجعلها وتزوجو من جديد الله يرحمها اجالها سرطان بالرحم زوجها ضل يمرضها لماتت الله يرحمها وبعدها ب6 اشهر مات هو الله يرحمو ويتغمد بروحهم الجنة يارب
الأمراض عمرها ما بتفرق بين زوجين الا اذا كانت معدية لا قدر الله وممكن تأثر بالطرف التاني

أما اذا امراض عادية مثلا ربو او سكر او ضغط :1540-image: حاسة حالي بدي اتزوج ختيار :wendy_sp_h4h:
المهم انو عادي كتير بتزوجو والله يشفيه يارب



موضوع حلو كتير
يعطيك العافية اخوي

[)»乂 םבםב 乂«(]

بصراحة أنا مستحيل أبعد عن زوجتي لو مهما كان مرضها ..

زوجتي على إسمي أنا ولي أمرها و المسؤول عنها و بذمتي ليوم القيامة أتركها تعاني بالمرض لوحدها ..!!

ما بيعملها إلا قليل الأصل بصراحة ..

أشكرك أخي الكريم على طرحك المميز ..

تحياتي الك ,,,

[نكشة راس]

موضوع حلو وسؤال احلى
بس يا عزيزي اذا كنت بتحبها صح والمرض مش معدي
مثل الايدز او غيره من الامراض
فصبراً جميلاً ولن يذهب هذا الصبر سدى مع الله
واذا كنت فعلاً تحبه من كل قلبك فأنك سوف تبقى معه حتى لو كان هذا المرض مميتاً
q2 مودتي لك

[Shine angel]

اكيد رح استمر معو
بالعكس رح يزيد حبي الو اكتر واكتر
وما افكر اتخلى عنو مهما صار ورح اضل جنبو ومنحاول نشوف طرق علاج سواء بالبلد او ببلاد برا
مع احترام جميع الردود
مشكور دارك على الموضوع الجميل

[فلسطينيه للأبد]

لو كان قبل الزواج ما بقبل لكن لو بعد الزواج واكتشفنا انو مريض اكيد بستمر معه وما لازم اتركه بالوقت اللي بكون هو بحاجه لحدا يوقف جنبو متل ما عشنا الايام الحلوة بنعيش المرهـ و بنحاول ندور على علاج لحتى يشفى باذن الله
موضوع رائع جدا للنقاش..
سلمت يداك اخي دارك..
تحيااتي لك...

[DaRk]

مشكورين جميعا على وجهات النظر اخواني الاعزاء

تحياتي الكم جميعا