ضيفنا هذا الاسبوع على كرسي الاعتراف

[فلسطيني حر]

إخوتي وأخواتي الأعزاء أعضاء منتديات بنت فلسطين .. حفظكم الله

ضيفنا لهذا الأسبوع شخص له بصمة مميزة .. و فكر راقي ..

وقد تمَكن مِنَ الوصول للتميز في فترة بسيطة جداً وفي زمَن قِياسي ..

تعالوا معنا لنتعرف أكثر عن قرب بأخينا وضيفنا العزيز ..




`·.¸¸.·´´¯`··._.·( لحسن الحظ اردني)`·.¸¸.·´´¯`··._.·`



فأهلاً وسهلاً بك يا صديقي العزيز .. ونشكرك مِنَ القلب لأنك قبلت الاستضافة ..

و منحتنا هذه الفرصة النادِرَة للتعرف عليك عن قرب أيها المُبدع ..

<> <> <> <> <> <> <> <> <> <>

ونود تذكير ضيوفنا الأعزاء بعَدَم التفضل بطرح أسئلة جارحه أو مهينه للضيف .

كما يحق للضيف الامتناع عن أي سؤال ..

ويحق للإدارة حذف الاسئلة التي تخرج عن حدود الأدب ..

ومدة الاستضافة أسبوع كامل يبدأ مِن هذا اليوم ..

تقبلوا أرق تحية وتقدير ،، ودُمتم بخير

[lola]

يييييييييييييييييييييييييي مين لحسن الحظ ياويلييي ... عشنا و شوفنا

انا اذا بفضى بجيلك و بسألك يا سوء الحظ ض9

[لحسن الحظ...أردني]

بالبدايه أشكرك أخي أمين على المقدمه الرائعه ( اللي باين انها غلط من رد لولا خانم ض9 )


س برضو يسمنو يا صاحبي ... ومتل ما بيحكوا طبشتني بحجار زوقك يا عسل :952-image:



وبالنسبة للحجه لولا ... فبيسعدني انه ما تفضي طول الاسبوع والله ض9


وبعدين يا ام عشنا وشفنا ...:3135-image:

بكفيني ثلاثه او اثنين يذكروني بالخير .... مش لازم أعجب الكل :)

( طبعا حكيت اثنين او ثلاثه لأنه الثالث ضياء وهاد نذل مش ثقه ض9 )
بمزح معك دودو بيك :952-image: حليبو لقلبي انت :952-image:


وكش عليكي لولا خانم :)


وشو كمان :1193-image:


اه .. والله يستر ض9

.
.
.
ملحوظه : " ارحموا من في الارض يرحمكم من في السماء :pray: )

وبهدي لأمين أغنية يجيلك يوم ض9




تحياتي لجميع الاعضاء :( الفاضيين طبعا يا ست لولا :3135-image: ض9

[Shine angel]

فرصه تزكر بطاقتك الشخصيه عشان نبلش فيك شمال ض9
نورت الكرسي سيد فيصل
q2

[!"شموخي يكسركـ"!]

oh no


لحسن الحظ هون

والله متت من الضحك ما توقعت انك هون ض9( تزكرت كيف بترد وكلامك الي بموت ضحك عشان هيك ضحكت مش تفكر شي تاني ) :3:


انت حالة شااااااااااااااااااااااذة

فلازم أعد واعملي نسكافي وامخمخ عالأسئلة غير أسألك أسألة ياااي :1193-image:

استناني ماشي :hala:

منور الكرسي واللـــــــــه :3163-image:

[بنت فلسطين]

اهلا وسهلا لحسن الحظ أردني

تفضل الأسئلة

ماهو موقفك من الحب ؟؟

هل جربته ؟؟

وهل تؤمن به ؟؟

دمعة سقطت من عينك .. ما كان سببها ؟؟

عبرة .. ابتسامة .. نظرة شفقة ,, لمن تهديها ؟؟

ماهو تعريفك لكل من ::

المجنون ::

العاقل ::

المتكبر ::

المتواضع ::


هل أنت راض عن نفسك ..؟

هل اللقب والاسلوب للعضو يدل على شيء من الواقع (( واقع العضو )) ؟

ما هو أكثر قسم مفضل لديك في منتديات بنت فلسطين ؟؟ ولماذا ؟؟

بيدك خمس وردات لمن تهديها من أعضاء المنتدى ؟؟

ماهو أكثر موقف شعرت به بالثقة الكاملة ؟؟

بكلمة عبر عن كل من ::

البحر ::

القمر ::

النجوم ::

الليل ::

الحب ::

منتديات بنت فلسطين ::

وأخيرا .. ماهي سلبيات بنت فلسطين وماهي إيجابيتها بكل صراحة ؟؟

[لحسن الحظ...أردني]

فرصه تزكر بطاقتك الشخصيه عشان نبلش فيك شمال ض9
نورت الكرسي سيد فيصل
q2

يسمنو روني خانم :952-image:


استعنا عالشقا بالله :)

الاسم : فيصل زياد

العمر : مواليد ال88 احسبوها انتو لأن عنجد بعرفش :1193-image:

الاقامه : في السعودية في الوقت الراهن

المهنة : طالب هندسة مدنية

الهوايات : قراءة الشعر والروايات - برامج الكمبيوتر ( برامج التصميم بالذات) - الانترنت - وطبعا مثل أي شاب عربي .. التريكس :D


فصيلة الدم : B+ ض9

بس ما ظل الا رقمي الوطني عالهوية وما كتبته هون ض9




يسمنو روني خانم على مرورك الامور :952-image:

[لحسن الحظ...أردني]

oh no


لحسن الحظ هون

والله متت من الضحك ما توقعت انك هون ض9( تزكرت كيف بترد وكلامك الي بموت ضحك عشان هيك ضحكت مش تفكر شي تاني ) :3:


انت حالة شااااااااااااااااااااااذة

فلازم أعد واعملي نسكافي وامخمخ عالأسئلة غير أسألك أسألة ياااي :1193-image:

استناني ماشي :hala:

منور الكرسي واللـــــــــه :3163-image:



الله يستر من اخرتها ض9

شمخمخ خانم ض9 وحدي الله وبلاش سئله على نسكافيه .. ما بحبها ض9

فش اسئلة على قهوة سادة :1193-image:

[لحسن الحظ...أردني]

اهلا وسهلا لحسن الحظ أردني
أهلا فيكي خيتووو

تفضل الأسئلة

ماهو موقفك من الحب ؟؟
الحب هو الشيء الذي يسبق الهواء أهمية من أجل استمرارية عيشنا


هل جربته ؟؟
وعشقته أيضا ..

وهل تؤمن به ؟؟
أكثر من إيماني بأن الأرض كروية

دمعة سقطت من عينك .. ما كان سببها ؟؟
للأسف .. الدمو نعمة حرم منها الرجل بالنسبة لي ..
وكذلك أعتبر الدموع .. موهبة لا أجيدها

عبرة .. ابتسامة .. نظرة شفقة ,, لمن تهديها ؟؟

عبرة ..أنا عبرة لكل الأطفال اللي ما بشربوا حليب ض9

ابتسامه ... أهديها لسيدة ملكت قلبي بابتسامه : )

نظرة شفقه ... لشخص أحس يوما أنه يستطيع أن يذلني

ماهو تعريفك لكل من ::

المجنون :: العاقل الوحيد وسط كومة مجانين

العاقل :: شخص يجيد استخدام المضغه التي يكسوها شعره

المتكبر :: شخص يحاول أن يثبت للناس أنه أهم منهم .. بينما لم يثبت ذلك لنفسه بعد

المتواضع :: شخص كلما نوى شيئا .. تذكر أن هناك ربا في السماء .. أكبر من كل كبير وأقوى من كل قوي


هل أنت راض عن نفسك ..؟
جدا ولله الحمد والمنة ... وهذا لا يمنع أن الشخص يتطلع الى تحسين نفسه أكثر


هل اللقب والاسلوب للعضو يدل على شيء من الواقع (( واقع العضو )) ؟

بصراحه لقبي من باب حبي لوطني ( كمثل أي مواطن عربي )
وكذلك من باب الدعابه ... فالملل غطى كل حياتنا

ما هو أكثر قسم مفضل لديك في منتديات بنت فلسطين ؟؟ ولماذا ؟؟

قسم لنثر والخواطر والأشعار طبعا .. فأنا من عشاق هذه الأشياء


بيدك خمس وردات لمن تهديها من أعضاء المنتدى ؟؟

أهدي الوردة الأولى ل shine angle

وأهدي الثانية ..... كمان لشاين أنجل :952-image:

ض9 بصراحه بهديهم كلهم لشاين أنجل ...



ماهو أكثر موقف شعرت به بالثقة الكاملة ؟؟

موقف حياتي : )
الحمد لله ثقتي بنفسي لم تتعزع طوال حياتي


بكلمة عبر عن كل من ::

البحر :: الغدر

القمر :: الجمال

النجوم :: السمو

الليل :: الشوق

الحب :: أنا : )

منتديات بنت فلسطين :: الروعه بكل معنى الكلمه

وأخيرا .. ماهي سلبيات بنت فلسطين وماهي إيجابيتها بكل صراحة ؟؟
أنا ما ميزت سؤالك سواء كان عنك كشخص أو عن المنتدى ككل

بس كمنتدى جاوبتك فوق إنه روعه
وعنك أنتي كشخص .. فبصراحه أنا لم أختلط كثيرا ببنت فلسطين ..
ولكن كما يقال .. البخور الطيب يسبقه ريحه ... وانا سمعت عنها الكثصير من المديح رغم قصر عهدي في هذا المنتدى الراقي... لك احترامي وتقديري أختي :hala:

ومشكورة على الاسئلة الزوق متلك خيتوووووو :(

[Shine angel]

1-من اول الاعضاء اللى لفت انتباهك فى المنتدى بصراحه ؟!

2- من العضو الذى يهمك تعقيبة على مواضيعك دائماً؟؟

3-هل حققت بعض احلامك؟

4-عندما تفضل ان تكون وحيد،،، ما المكان الذي تختاره لتكون فيه؟

5-ما أجمل مرحله عمريه مرت عليك ؟ولماذا؟

6-ماهي أجمل ذكرى لاتزال عالقه في ذهنك ؟

7-اجمل شئ سعدت به عندما لقيت نجاحه؟!

8-اكتر حلم نفسك تحققه ؟!

9- عيوبك اللى بتشوفها في نفسك وبكل صرااااحه ؟!

10-من تجاربك فى الحياه شو اللى تنصح فيه كل الشباب انه حتى مايفكرو يجربوه لانك جربتها واتاكدت انها غلط وندمان عليه فعلها ؟!

11-واخر سؤال شو رائيك فيني بكل صراحه :952-image:
الي رجعه تانيه

[لحسن الحظ...أردني]

1-من اول الاعضاء اللى لفت انتباهك فى المنتدى بصراحه ؟!
بدون مجامله ... جضرة جنابك :2303-image:

2- من العضو الذى يهمك تعقيبة على مواضيعك دائماً؟؟
برضو حضرتكم :952-image:

3-هل حققت بعض احلامك؟
باقي أهم حلم لي اقتربت من تحقيقه .. وأتمنى أن يتحقق
وبسببه نسيت بقية أحلامي .. لأن الأولوية الأولى لهذا الحلم

4-عندما تفضل ان تكون وحيد،،، ما المكان الذي تختاره لتكون فيه؟
أختار غرفتي ..وبالذات سرير ي...

5-ما أجمل مرحله عمريه مرت عليك ؟ولماذا؟
أتوقع أنني لم أمر بأجمل مراحل عمري بعد ..
ولكن قريبا إنشاءالله انه أمر فيها ... ورا تكوني اول من يعلم ساعتها :(

6-ماهي أجمل ذكرى لاتزال عالقه في ذهنك ؟
ذكرى صديق عمري الذي أجبرنا الزمن على أن نفترق

7-اجمل شئ سعدت به عندما لقيت نجاحه؟!
الحب ...........

8-اكتر حلم نفسك تحققه ؟!
أن أمضي ما تبقى لي من أيام في هذه الدنيا في أحضان من أحب


9- عيوبك اللى بتشوفها في نفسك وبكل صرااااحه ؟!
عيبي هو ماضيي ... كان به الكثير من الهفوات والطيش

10-من تجاربك فى الحياه شو اللى تنصح فيه كل الشباب انه حتى مايفكرو يجربوه لانك جربتها واتاكدت انها غلط وندمان عليه فعلها ؟!
إن تستغل قلب فتاة..بأن توهمها بانك تحبها وتعلقها في حبك لأجل أسباب أتفه من التفاهه...
هذا كانأكبر أخطاء حياتي التي أجد صعوبة في مسامحة نفسي عليها .

11-واخر سؤال شو رائيك فيني بكل صراحه
أنا شهادتي فيكي مطعونه صراحة :952-image:
لأنك فعلا تفوق الوصف :952-image:
ومهما كتبنا فيك بنضل مقصرين في اعطائك حقك :952-image:

بس ممكن اختصر هالحكي كله بكلمتين .... ملاك علىهيئه بشر :952-image:
:2303-image:
:2303-image:
:2303-image:

الي رجعه تانيه
ننتظر رجعتك بفارغ الصبر يا خانم :952-image:

[!"شموخي يكسركـ"!]

أهاااااااا شوشو وصلت

بسم الله

اللـــــــــــــــــــــه أكبر

(حندبح احنا والى شو الإصـــــــة ) ض9

بعين الله

يالله يا أخ فصايل نبلش أسئلة والنسكافيه بصحبتي عشان أصحصحلك عالمزبوت ض9

أكيد كل انسان الو طموحوا بالحيـــــاة ؟ انت شو طموحك ؟ طبعا غير الزناخة الي انت ماخد المركز الأول فيها الله يحرسك ض9

شو المرحلة النقلية الي صارت بحياتك الي انجزت فيها شي مميز وطورت من نفسك ؟ غير الحب

تفكيرك بهاي الأيام على شو بقتصر ؟ :1193-image:

مين عرفك عالمنتدى ؟

شو رايك بالمنتديات ؟ بشكل عام ؟

سؤال يمكن تستغربلوا ؟ انت وشاين أرايب ؟ :1193-image:

لمين انحيازك اكتر للماما او البابا ؟ وليش ؟

شو موقفك من المتشددين خصوصي الشباب ؟ ومن الي بالمرة بايعينها يعني فري عالأخير ؟ وانت من اي فئة ؟

شو أكتر خبر كان سيئ بحياتك ؟

عادة بالويك اند وين بتروح ؟

كيف بتعامل الناس حتى لو كان في منهم مش كتير مناح بتصرفاتهم معك ؟

تفكيرك بالحياة عموما سطحي بأشياء ما إلها معنا والا بتكون جدي بكل خطوة بتخطيها ؟

(فيصل بعد شوي حيغتالني ) :mad:

صح ليش مسمينك فيصل ؟ انا بعرف هاد اسم خليجي وتحديدا سعودي ؟ ليش انت مخلوء بالسعودية ؟

اممممم شو موقفك من استاذ بالجامعة مثلا حطك براسوا ؟ شو بكون اسلوبك او طريقة معاملتك الو ؟ض9

اه صح حسبتلك أديش عمرك عمرك 20 ياشاطر عن جد فاشل بالرياضيات طيب وشو عامل بالهندسة صحيح ؟ حلوة الدراسة والا متعبة ؟ وكيف بتدرسها بالانجلش اور ان اربك ؟ in E or Arabic

أعطيني رأيك بالأعضاء :-

فلسطيني حر

دمعـــــــة لاجئة

نكشة راســــ

لولا

قوت القلوب

أخيرا وليس آخرا

((((اممممم شو رأيك بشموخي يكسركـ :952-image:<<<<<< )))))


وأكيد الله يوفأك ويحأألك كل أمنياتك انت وجميع اعضائنا الحلوين :pray:

سامحنا ازا تألنا عليك فيصل :952-image:

يعطيك العافية :hala:

[لحسن الحظ...أردني]

أهاااااااا شوشو وصلت

ولكم ولكم :)


بسم الله

اللـــــــــــــــــــــه أكبر

(حندبح احنا والى شو الإصـــــــة )

هات السكين لخالتك أم عنتر يا ولد ض9


بعين الله

يالله يا أخ فصايل نبلش أسئلة والنسكافيه بصحبتي عشان أصحصحلك عالمزبوت
تفضلي يختي تفضلي .. صحه وهنا بالمناسبه :)


أكيد كل انسان الو طموحوا بالحيـــــاة ؟ انت شو طموحك ؟ طبعا غير الزناخة الي انت ماخد المركز الأول فيها الله يحرسك

طموحي أن أستطيع أن أحقق عدة أحلام مترابطه ببعضها ... مما أتأمل إنه يجلبلي وللأعزاء على قلبي الراحه والسعاده : )


شو المرحلة النقلية الي صارت بحياتك الي انجزت فيها شي مميز وطورت من نفسك ؟ غير الحب
غير الحب .. كانت أول سنة بعيش فيها بالأردن ...اللي هي اول سنة الي بالجامعه ..
لأنه أبت لأشخاص كثيرين حاولوا أذيتي أنني أقوى من ما كانوا يتوقعون ... وعرفتهم شو فيصل على حق :)

تفكيرك بهاي الأيام على شو بقتصر ؟
على الحب بشكل أساسي .. ولا يخلو الموضوع من طموحات أخى

مين عرفك عالمنتدى ؟
المنتدى بعرفه من قبل إنشاءه وذلك عن طريق اخي وصديقي أمين ...

شو رايك بالمنتديات ؟ بشكل عام ؟
الأعضاء هم من يقررون ماهية المنتدى ووصفه .. وما شالله المنتدى هاد روعه بأعضائه :(


سؤال يمكن تستغربلوا ؟ انت وشاين أرايب ؟
ما راح أعرف أجاوبك : )
او بالوقت الحالي عالأقل .. : )
بس بقدر أحكيلك إنه حسب أوراقنا الثبوتيه فقط .. مش قرايب : )


لمين انحيازك اكتر للماما او البابا ؟ وليش ؟
لوالدي العزيز ... بالرغم من إنه الحجه الها معزة كبيرة طبعا ..
بس أنا بقدس والدي .. لأنه مثلي الأعلى في الحياة العمليه وفي جوانب أخرى


شو موقفك من المتشددين خصوصي الشباب ؟ ومن الي بالمرة بايعينها يعني فري عالأخير ؟ وانت من اي فئة ؟
أنا أكره المتشددين .. وأشمئز من الفري عالاخير ... أنا قاعدتي بهيك شغلات إنه كل شي اله اصوله ...



شو أكتر خبر كان سيئ بحياتك ؟
وفاة المغفور له الملك حسين .... كانت أمنية حياتي إنه أراه عالطبيعه .. للأسف ربنا تولاه قبل ما أحقق هالأمنيه ...



عادة بالويك اند وين بتروح ؟
لما كنت بالأردن كنت بالأغلب بروح على كوفي شوب حلو اسمه "TCHEE TCHEE"
بس بالسعودية ... بروح على افيع مكان بالسعودية .. اللي هو بيتنا ض9
فش غيره الله وكيلك ض9

كيف بتعامل الناس حتى لو كان في منهم مش كتير مناح بتصرفاتهم معك ؟
أنا بعامله بمبدأ "الزياده حبتين " يعني اذا كان محترم ..أنا بكون معه محترم زيتده عنه حبتين ..

قليل أدب .. أنا بكون أقل منه أدب بزياده حبتين برضو ..خخخخخخخخخ


تفكيرك بالحياة عموما سطحي بأشياء ما إلها معنا والا بتكون جدي بكل خطوة بتخطيها ؟
ما بحب أصحاب التفكير السطحي أبدا ... ولازم نفكر بكل خطوه ..لأنه احنا عاقلين .. والعاقل مسؤول عن تصرفاته


(فيصل بعد شوي حيغتالني )
لا مش بعد شوي .. من اسبوع وانا دافع عربون اغتيالك ض9


صح ليش مسمينك فيصل ؟ انا بعرف هاد اسم خليجي وتحديدا سعودي ؟ ليش انت مخلوء بالسعودية ؟
هو انا مخلوء بالكرة الارضية .. بس مولود بالسعودية اه ض9

بعدين أبوي سماني فيصل ... وهو اسم بنقدر نحكي بدوي أكثر من انه سعودي :)
بس انا بحبه كتير الاسم : )


اممممم شو موقفك من استاذ بالجامعة مثلا حطك براسوا ؟ شو بكون اسلوبك او طريقة معاملتك الو ؟
بعامله بخطه 4-2-4 ض9
هههههههههههههههههههههه

لا بمزح .. بس أنا كتير زنخ مع الدكاتره ...وخاصه المعقدين منهم

يعني الدكتور اللي امخ داعيه عليه .. بيدرسني ض9


اه صح حسبتلك أديش عمرك عمرك 20 ياشاطر عن جد فاشل بالرياضيات طيب وشو عامل بالهندسة صحيح ؟ حلوة الدراسة والا متعبة ؟ وكيف بتدرسها بالانجلش اور ان اربك ؟ in E or Arabic
يسلمو عالحسبه ض9
والهندسة حلوه الحمد لله ومش متعبه أبدا .... واحنا بندرسها بالإنجلش ..



أعطيني رأيك بالأعضاء :-

فلسطيني حر

لولا التسعه وتسعين عيب اللي فيه بيجنن ض9

لا بمزح .. أمين من أروع الشخصيات اللي عرفتها بحياتي ... وإلي معه ذكريات بتجنن ..مستعد ادفع عمري وارجع اعيشها معه :952-image:


دمعـــــــة لاجئة
اممممممممممم ... هي كشخص رائع جدا ومميز جدا ...
بس كمان الها ميزة أخرى بتخلي معزتها عنا أضعاف مضاعفه ... أحترامي لأختنا دمعه :)

نكشة راســــ
أحد أكثر الحشرات اللي بعشقها في الكرة الارضيه ض9

عبارة عن انسان .. والله حتى مستخسر أحكي عنه إنسان ض9


لا نكشة هو أيضا من أروع أصدقاء حياتي .. وهو وأمين إلهم معزة كبيرة جدا وخاصه جدا بقلبي :)
(يكبرش راسك انت واياه .. انتو عارفين قديش بكرهكم .. بس انه قدام الناس عيب ض9 )

لولا
مش فاضي أنا حاليا .. بس أفضى بجاوب :)

ض9 ض9 ض9 ض9


قوت القلوب
ما احتكيت بها كثيرا .. ولكن كما هو ظاهرلي أنها شخص راقي جدا .. لها كل الاحترام :(

أخيرا وليس آخرا

((((اممممم شو رأيك بشموخي يكسركـ <<<<<< )))))

انتي .. اااااااااااخ منك انتي ض9
لو في منك اتنين اعلنت اعتزالي من البشر انا ض9


انتي وردة يا ستي والله يوفقك ويسمنك :952-image:


وأكيد الله يوفأك ويحأألك كل أمنياتك انت وجميع اعضائنا الحلوين

يسمنووووووو :952-image:

سامحنا ازا تألنا عليك فيصل

لا تقلتي ولا اشي .. وننتظر تنورنا مرة تانيه :2303-image:

يعطيك العافية

الله يعافيكي يا وردة : )

[Shine angel]

مين برائيك من الاعضاء :-

عضو توقيعه روعه..( )


عضو نشيط... ( )


عضو مفقود... ( )


عضو تفرح بوجوده .. ( )


عضو تحسه واثق من نفسه ... ( )


عضو داخل مزاجك ... ( )


عضو يغيضك .. ( )


عضو تتمنى تلقتي به ... ( )


عضو مثقف... ( )


عضــو تحس أن فيه خــمول (كسل ) ... ( )


عضــو يجذبـك بأسلوبه وطريقـة ردوده ... ( )


عضـو أحيانا ينرفزك بـ ردوده ...( )


عضو ودك تقول له صح لسانك .. ( )


عضو أتحس انه طموح ... ( )


عضو تحسه طفولي .. ( )


عضــو يناسبه لـقب المحبوب ... ( )

2- ما هو اغلى شيئ تملكه بحياتك ؟!

3-شو الصفات الي نفسك تغيرها بنفسك ؟!

4-ما هو الشئ الذي مر في حياتك وتمنيت ساعتها ان توقف الدنيا ولا تمشي ؟!

5-ماهو طموحك في الحياه ؟ الحب ...المال ..الشهره؟!

6-كيف بمقدورك إثبات شخصيتك بالمنتدى ؟!

7- لمين بتحب تشكي همومك ؟!

8- هل تؤيد عمل المرأة ؟ إذا كانت إجابتك بنعم ..هل هو ضرورة ؟

9-هل انت صريح ام مجامل بطبعك ؟!

10-ماهو تعريفك للحب ؟!

[لحسن الحظ...أردني]

مين برائيك من الاعضاء :-

عضو توقيعه روعه..( )
شاين أنجل :2303-image:

عضو نشيط... ( )
كمان شاين أنجل :2303-image:

عضو مفقود... ( )
برضو شاين أنجل :2303-image:

عضو تفرح بوجوده .. ( )
كذلك شاين أنجل :952-image:

عضو تحسه واثق من نفسه ... ( )
أكيد شاين أنجل ض9

عضو داخل مزاجك ... ( )
بدون منازع شاين أنجل ض9

عضو يغيضك .. ( )
أحد الاعضاء الذي أفضل ألا أذكر اسمه ..
ولكن يغيضني تشدده .. ليس لقلة ديننا .. وإنما لأنقناعتي بأن الدي يسر ولي عسر ..
وكذلك لأنه برأيي الضحك في وقت الحزن ... تزيد من نصرنا ... :3135-image::


عضو تتمنى تلقتي به ... ( )
نعود ونقول ... شاين أنجل :952-image:

عضو مثقف... ( )
بصراحه الكل ما شالله عليهم .. بس المشكله إنه الأغلب بيحكي معلومات بناء على مصادر خاطئه ..
:3:

عضــو تحس أن فيه خــمول (كسل ) ... ( )
نكشة راس ... زمان ما شفتله مشاركات مع إنه من أكثر الأعضاء مشاركة ..:c98d2d602177da299c9


عضــو يجذبـك بأسلوبه وطريقـة ردوده ... ( )
كذلك نعود لشاين انجل :952-image:

عضـو أحيانا ينرفزك بـ ردوده ...( )
لهلأ ما نرفزني غير رد واحد للست لولا ض9
اللي هو بأول كرسي الاعتراف ض9


عضو ودك تقول له صح لسانك .. ( )
نكشة راس .. أكثر الأعضاء الذين رأيتهم يجيدون الكتابه .. :)


عضو أتحس انه طموح ... ( )
دمعة لاجئة .. :mad:


عضو تحسه طفولي .. ( )
شمخمخ خانم ض9

عضــو يناسبه لـقب المحبوب ... ( )
بالنسة إلي .... شاين أنجل :952-image:

2- ما هو اغلى شيئ تملكه بحياتك ؟!
سيدة عمري ... ولو انه ما ملكته لهلأ :952-image:

3-شو الصفات الي نفسك تغيرها بنفسك ؟!
كصفات بشكل عام ... حاليا الحمد لله .. راض عن نفسي جدا ....


4-ما هو الشئ الذي مر في حياتك وتمنيت ساعتها ان توقف الدنيا ولا تمشي ؟!
لسه ما مر ... باقي شهر إلا أسبوع وبشوف إذا بتمنى إنه عمري يوقف ولا يمر بسرعه :952-image:

5-ماهو طموحك في الحياه ؟ الحب ...المال ..الشهره؟!
الحب ... الحب .... الحب :952-image:

6-كيف بمقدورك إثبات شخصيتك بالمنتدى ؟!
ببساطه ..أن أكون أنا

7- لمين بتحب تشكي همومك ؟!
حاليا أشكي همومي لقلمي... بس قريبا اذا الله اراد راح أشكي لشخص غالي


8- هل تؤيد عمل المرأة ؟ إذا كانت إجابتك بنعم ..هل هو ضرورة ؟
عمل المرأة برأيي هو فسحه من فسحات حريتها ...
فهي من تقرر .. وأنا من جهتي السيدة الوحيده اللي بتعنيني راح أترك هالقرار إلها ..
لأنه إذا اشتغلت .. فراتبها إلها وما راح أستفيد شي ..
وإذا قعدت بالبيت ... كمان ما راح أخسر إشي .... ما يهمني أن تكون مرتاحه ...

9-هل انت صريح ام مجامل بطبعك ؟!
لا أحتاج للمجامله ...لأنني أرفض الاستمرار مع شخص لا يستحق ...
وكذلك لأني أرى عيوب من احب كمميزات ...
لذلك انا شخص غير مجامل

10-ماهو تعريفك للحب ؟!
الحب هو كما قلت قبل ذلك .. من متطلبات الحياة .. تماما كالتنفس ...أو أهم قليلا .ز
لأن الانسان يستطيع حبس أنفاسه لدقائق ..
لكنه لا يستطيع حبس مشاعره ولو للحظه




يسمنوووووو يا وردة على أسئلتك الامورة .. وبننتظر عودتك يا وردة :952-image:

[قوت القلوب]

يااهلا وسهلا لحسن الحظ اردني ..

منور الكرسي ,,

يلا نبلش بالأسئلة ,,

بسم الله بلشنا ::

1-حقيبة اسرارك عند مين موجودة ؟؟

2- شو هيي احلى كلمة سمعتها ؟؟

3- نصيحه من والدك او من اي شخص اخر تعتبرها منهج في حياتك الى هذه اللحظه؟؟


4- شو اكتر بلد بتحبها يعني دولة سياحية ؟؟

5- شو هيي اكتر سلبياتك وبتتمنى انها تتغير ؟؟


6- لو كانت حياتك قصة شو رح تسميها؟؟

7- شو بيعنولك :: دمعة الطفل / دمعة المرأة / دمعة الرجل ؟؟

8- لو كان معك مليون دولار شو بتعمل فيهم ؟

9- متى تفقد اعصابك ؟؟

واخر شي ,, متى يقتلك الفضول ؟؟

ويلااا اتفضل وجااوب ..

[فلسطيني حر]

مرحبا ابو شريك

1 ما هو شعورك وانت على كرسي الاعتراف ؟


2-هل اجبت بصدق ودون خوف ؟



3- ما هو اكثر سؤال احببته ؟



4 ما اكثر سؤال ازعجك ؟

5 شو بعنيلك السيد فرج ض9


6.واخيرا ...... كلمة وجهها لجميع الأعضاء

بدون تصنع اللغة الفصحة جواب كمحداثة من شخص الى شخص

[لحسن الحظ...أردني]

يااهلا وسهلا لحسن الحظ اردني ..
أهلا بيكي يا خانم : )

منور الكرسي ,,
منور بتواجدكم جميعا :

يلا نبلش بالأسئلة ,,

بسم الله بلشنا ::

1-حقيبة اسرارك عند مين موجودة ؟؟
عند فيصل حتى الآن لم أمنحها لأي شخص


2- شو هيي احلى كلمة سمعتها ؟؟
الله يرضى عليك .. من والدي

3- نصيحه من والدك او من اي شخص اخر تعتبرها منهج في حياتك الى هذه اللحظه؟؟
نصيحة لجدي رحه الله ... "إذا بدك تملك الدنيا باللي فيها ... املك نفسك"


4- شو اكتر بلد بتحبها يعني دولة سياحية ؟؟
قطر ض9

5- شو هيي اكتر سلبياتك وبتتمنى انها تتغير ؟؟
احمد لله مقتنع جدا بشخصي : )


6- لو كانت حياتك قصة شو رح تسميها؟؟
حكاية رجل .. يحترم حواء

7- شو بيعنولك :: دمعة الطفل / دمعة المرأة / دمعة الرجل ؟؟
دمعة الطفل .. طفوله
دمعة المرأة ..سلاح فتاك
دمعة الرجل .. لم تعني لي شيئا لأنني لم ولن أعرفها ما حييت : )

8- لو كان معك مليون دولار شو بتعمل فيهم ؟
أتاجر فيهم :)

9- متى تفقد اعصابك ؟؟
عندما أرى دموع الفتاة الوحيده في حياتي..

واخر شي ,, متى يقتلك الفضول ؟؟
الفضول ليس من مواصفاتي : )

ويلااا اتفضل وجااوب ..
يزيد فضلك يا خانم .. ويسمنو عالاسئلة الحلوة :(

[لحسن الحظ...أردني]

مرحبا ابو شريك

1 ما هو شعورك وانت على كرسي الاعتراف ؟
شعور بني آدم على كرسي الاعتراف ض9


2-هل اجبت بصدق ودون خوف ؟
طبعا ... ولو يا صاحبي ض9



3- ما هو اكثر سؤال احببته ؟
ماهو شعورك وانت على كرسي الاعتراف ... حسيت حالي تزانخت فيه كتير عليك ض9



4 ما اكثر سؤال ازعجك ؟
ولا واحد صراحه


5 شو بعنيلك السيد فرج
السيد فرج.. هو أن تشعر أنك سقطت على بوزك من قمة درج ض9


لا فرج صاحبي وحبيبي ض9 حبيبي لا الله ض9



6.واخيرا ...... كلمة وجهها لجميع الأعضاء
بحب احكيلهم يعطيكوا العافيه على هالابداع اللي ابدعتوه بالمنتدى الراقي هاد
وبحب أحكيلهم الله يعينكم على هيك صاحب منتدى ض9

بس مشكلته بيجنن..مجبورين نتحمله :952-image:

بدون تصنع اللغة الفصحة جواب كمحداثة من شخص الى شخص
يا صاحبي أنا ما بتصنع الفصحى ..أنا بعشقها :)

ض9 بس قصدك احكيلك حكي على مستوى تكيرك العقلي ... اه هيك مهضومه ض9




يسمنووووووووووووووووووووو يا مورطني على مرورك ض9

حبيبو لمصاميص قلب أمين :952-image: .... بعد المودام طبعا :)

[lola]

:952-image: اجلتك ياعمو ض9 فضيت نفسي لإلك هههههههههه أنا بنرفزك طب أنا بمزح كنت معك ض9 خلص ما تزعل جيبيتلك اشوية اسئلة :-

1- ماهي نقطة ضعفك ؟

2- أكلتك المفضلة؟

3- موقف محرج حصلك؟


خلص بس خلصت لأنو الكل أخد الأسئلة الي بدي اياها ض9 خلص أنا آثفة مرة تانية ما بنرفزك بس ما تزعل :952-image:

[لحسن الحظ...أردني]

مش معكوووووووووووول ض9

لولا خانم شخصيا تركت الشركات والمصانع والمؤتمرات والقمم المستعجله والبيت الابيض والقصر الجمهوري ودكان الفلافل واجت بجلالة قدرها لهون ض9 ض9

لا لا انا مش مسدق ض9


نورتيا ياحجه وانا بزعلش ولا يهمك .. انا بس حسيتك ازنخ مني ض9 وهاد شي ما راح اقبله طبعا لازم الصداره النا ض9


ونبلش نجاوب اسئلتك يا خانم :

1- ماهي نقطة ضعفك ؟
نقطة ضعفي هي نفسها نقطة قوتي ... اللي هي سيدة عمري :952-image:
فمنها أرى أتي أكملت جميع ما ينقصني ..
وكذلك هي أرق شيء بي لذلك فهي نقط ضعفي :(


2- أكلتك المفضلة؟
يعني واحد اردني .. لا وكمان ن زود العز كركي ... شو ببتوقعي تكون اكلته ؟؟؟
أكيد منسف ض9

3- موقف محرج حصلك؟
ض9 لما امين كشفني بشغله




يسمنووووووو على مشاركتك الزوق جلالتك :)

ض9 ض9

[دمعة لاجئة]

ابو الفواصل هان ض9
منور ولله:952-image:
يا مش عارفة شو اسال بس بدك تتحمل
هلا بعمل عصف ذهنيض9
واشك انو راح يطلع معي شي:2303-image:

بأي جامعة بتدرس وعندك حرية تجاوب او ما تجاوب؟

كيف الهندسة ماشي فيها بما انك دارس بالسعوديةض9


شو هي اسوا لحظات عمرك وشو هي احلاهم؟

شو هي مواصفات فارسة احلامك؟

كم ساعة بتقعد عالنت؟

ولله يا ابو الفواصل مخي مسكر بالمرة

اه اه اه اتزكرت سؤال
شو رايك بدمعة لاجئة
وما هي اجيابياتها وسلبياتها

انشالله ما اكون اتزانخت عليك ابو الفواصل:952-image:


وبرجعلك ول بي باك

[لحسن الحظ...أردني]

ض9 اهلا اهلا بالخانم ض9

اعصفي يا ستي اعصفي ض9

بس اوعك تطرطشي علينا من مخك ومخيخك ونخاعك المستطيل ض9


نبلش إجابات أسئلتك :)


بأي جامعة بتدرس وعندك حرية تجاوب او ما تجاوب؟

بدرس بجامعه اسمها KFU " جامعة الأمير فهد بن سلطان" وهي جامعة جديدة تابعه للجامعة الأمريكية ببيروت :c98d2d602177da299c9

كيف الهندسة ماشي فيها بما انك دارس بالسعودية
الهندسة ماشيه كتير .. بعدين انا دارس بالاردن سنيتين جامعه يا خانم .. وكمان دارس توفل وعلى وشك أخلصه بالاردن :c98d2d602177da299c9

شو هي اسوا لحظات عمرك وشو هي احلاهم؟
أسوأ لحظات عمري كثيرة .. بذكر منها وفاة الملك حسين الله يرحمه :pray:


شو هي مواصفات فارسة احلامك؟
من الخطأ برأيي ان تكون محدد مواصفات للبنت اللي راح تحبها ... لأنه الحب بيجي فجأة بغض النظر عن اي مواصفات بيبالنا ..

بس ممكن أحكيلك مواصفات فارسة احلامي اللي بحبها هلأ : )

هاي يا ستي ..أمورة .. وعسولة .. وبتجنن .. وزوق ... ومؤدبه ...
وبتفهم ... ودلوعه .. وامممممممممم

بتقدري تحكي باختصار .. إنه ملاك بصورة بشر :952-image: :952-image:


كم ساعة بتقعد عالنت؟
والله حاليا اول ما اروح من الجامعه لبين ما انام وانا عالنت .. نظرا لكون أهم شي بحياتي بتواصل معه عالنت حاليا :(

ولله يا ابو الفواصل مخي مسكر بالمرة
حطي عليه فيكس بيفتح ض9 (حسيت مخها مرشح ض9 )


اه اه اه اتزكرت سؤال
شو رايك بدمعة لاجئة
وما هي اجيابياتها وسلبياتها

دمعة لاجئة شخصيه رائعه جدا :952-image:
بغض النظر عن خلافاتنا العسكرية والحربيه ض9

ومن أهم ميزاتها إنها مزوقه .... بتعرف تختار كل شي :952-image:
ومساؤها نادرة جدا .. بنقدر نحكي منها على سبيل المثال ...

إنه ماخده مقلب بتحالفها اللي عامليته ضدي انه ممكن يصمد ض9

بس بيني وبينك .. تحالفك فشنك :)




يسمنووووووووووو على مرورك الجميل يا خانم :)