ضيفتنا هذا الأسبوع على كرسي الاعتراف .. [sitemap]

بنت فلسطين

12-31-2008, 06:52 AM

أحبتي إدارة .. أعضاء .. ومشرفين منتدى بنت فلسطين ,, الكرام ..

السلام عليكم ورحمة الله وبركاته ,,

أسعد الله أوقاتكم بكل الخير ..

يسرني اليوم في كرسي الاعتراف..

أن أجدد اللقاء مع ضيفتنا الجديدة..

لكل
الأعضاء معنا شخصيات

نتمنى أن نزيح عنها الستار يوما

لـ نتعرف عليهم أكثر ..

ضيفة كلي ثقه انها تستحق ان تكون ضيفة معنا ..

تحمل الكثير من الخير والمحبة للآخرين ..

استطاعت بأخلاقها وتعاملها المميز أن تكون مقربة من قبل الجميع

شخصية إتصفت بتواضعها و حضورها القوي

عضوة تألقت في سماء بنت فلسطين حتى أصبحت نجمة لامعة بحق

لن أطيل ..

وأترك لكم المجال للكشف عن الجانب الذي لا نعرفه عن شخصية ضيفتنا الغالية ..

مــروووم ..

تفضلي بذكر بطاقتك الشخصية ..

مروووم

12-31-2008, 09:51 AM

يسلمووو بنت فلسطين على هالحكي الحلو

الاسم :مرام
العمر :19 وشهرين :952-image:
المهنة :طالبة بالجامعة..
الأصل :فلسطينيه
مقيمة بالسعوديه ..وبدرس بالبحرين
من هواياتي :الرسم وهاد اكتر شي بحبو...واكيد الانترنت

وشكرا كتير لأستضافتي هون ..يلا يا حلوين بستناكم انا
مرووووم

lola

12-31-2008, 10:22 AM

اجيت ابلكم يا أعضاء نانانانا ض9 بدي أنا أسألك أول وحدة ض9

شو بتدرسي؟

لونك المفضل؟

موقف طريف حصلك ؟

موقف أحرجك كثييييرا ؟

شئ واحد بتغيري بالعالم ؟

صفة موجودة فيكي و موعاجباكي ؟

شو رأيك في لولا و شو الي بتكرهي في لولا ؟ >>>>>>> بعترف سرقت السؤال ض9 من الأعضاء

ما غلبتك صح أسئلتي بسيطة ض9 بحميكي بس ض9

مروووم

12-31-2008, 10:53 AM

اهلين ياعسل ...نورتي انتي واسألتك :952-image:

شو بتدرسي؟
بدرس تصميم داخلي

لونك المفضل؟
اممم الوردي ...والاحمر ..والاسود
مافي لون واحد عندي ض9

موقف طريف حصلك ؟
ييييي كتير مواقف
في مواقف صار معي بالجامعه ولا احلى من هيك موقف
كنا اعدين بالكافتريا انا وشلتي
قام واحد من الي معي بالقسم اسمو فيصل كان عند الدكتور .انا بدي اسألو سؤال صرت انادي عليه وياريت ما نديتو ..لاني بدل ما احكي فيصل ..حكت فاصل فاصل
والكل مات ضحك علي وهو صار كل ما يشوفني ياحكيلي هلا والله بفاصل

موقف أحرجك كثييييرا ؟
مرة وانا بالاردن كنا بمطعم انا وصاحبيتي ...كانت جايبه معها اختها لزغيرة
ونحنا اعدين ما اشوف الا كاسة البيبسي كلها توقع علي وكنت لابسه بلوزة بيضا...لاء وكنا مخططين انو نطلع اكتر من مكان ..وقتها انحرجت بلوزتي صارت لونها اسود بدل ابيض بس رحت على البيت وغيرتها على السريع ض9

شئ واحد بتغيري بالعالم ؟
اكيد بغير كل الحكام العرب ض9

صفة موجودة فيكي و موعاجباكي ؟
اني حساسه كتير وببكي على كل شي..:3:

شو رأيك في لولا و شو الي بتكرهي في لولا ؟ >>>>>>> بعترف سرقت السؤال ض9 من الأعضاء
لولا عسولة كتير وعاملة جو بالمنتدى
مافي شي بكرهو فيكي ..امورة ما شالله عنك

ما غلبتك صح أسئلتي بسيطة ض9 بحميكي بس ض9

تسلميلي ياعسل على اسألتك الحلو

مروووم

دمعة لاجئة

12-31-2008, 11:33 AM

مرووووووووووومه هنا
منورة ولله الكرسي حبيبتي
يلا معي كم سؤال خلينا نبلش
بسم الله :
1*بغض النظر عن طرقه وكيفية حصولة وزمن حصولة ماذا يعني لكي الحب؟؟

2*حين تقرر مروم للخروج من المنزل ....اين اول مكان يذهب اليه....(تأرجلي مو؟؟ض9)

3*اذا وجدتي نفسك ضعيفة ببعض المواقف ماذا تفعلي؟؟

4*راحة مروم اين تبدا ومع من تكون؟؟

5*لو كانت حياتك قصة ماذا ستسميها

6*ما هو لصوت الذي يطربك

7*ما هو حلمك الذي تسعي لتحقيقه

اتمنى انو تكون اسالتي خفيفة :952-image:

مروووم

12-31-2008, 12:03 PM

مرووووووووووومه هنا
منورة ولله الكرسي حبيبتي

تسلميلي ياااعسل

يلا معي كم سؤال خلينا نبلش
بسم الله :

1*بغض النظر عن طرقه وكيفية حصولة وزمن حصولة ماذا يعني لكي الحب؟؟
الحب شعور حلو واحساس رائع ..
الحب اكيد احلى شي بالدنيا لما يكون صادق
الحب كل شي بنسبه لمروووم :952-image:

2*حين تقرر مروم للخروج من المنزل ....اين اول مكان يذهب اليه....(تأرجلي مو؟؟ض9)
امممممم اكيد عند شلتي ..بس اكيد الارجيلة بتكون موجودة معنا ض9

3*اذا وجدتي نفسك ضعيفة ببعض المواقف ماذا تفعلي؟؟
بفضل السكوت بهيك موقف ..طبعا ازا ماقدرت امسك دمعتي

4*راحة مروم اين تبدا ومع من تكون؟؟
راحتي لما احكي مع الناس الي بحبهم والي مقربين مني
وراحتي بتبدأ لما يكونو جنبي بكل شي

5*لو كانت حياتك قصة ماذا ستسميها
دروس الحياة ..

6*ما هو لصوت الذي يطربك
امممم اليسا بموت فيها

7*ما هو حلمك الذي تسعي لتحقيقه
اكيد اخلص دراستي واتخرج واشتغل

اتمنى انو تكون اسالتي خفيفة :952-image:
يسلمووو عسولة على اسألتك الحلوة متلك

مرووم

Shine angel

12-31-2008, 01:03 PM

احلى مروووومو نورتي يا عسل
وهي كمن سؤال بتمنى ما يكونو تقال عليكي

1)ماهي الفائدة الذي جنيتيها من جلوسك خلف شاشة الكمبيوتر على النت؟؟
2)ما هو مبدأك في الحياة ؟؟
3)ماذا تعني لك الاسره والاولاد؟؟
4)مين اكتر عضو بتحبيه وبتعزيه بالمنتدى ؟؟
5) حادثة او واقعة حدثت لك انت شخصيا وا ستفدت منه الكثير... ان امكن ان تذكري الحادثة وما استفدتيه منها ??
6)اخر شي كمان السؤال مسروء شو سيئات شاين انجل وايجابياتها؟؟
وخلصت الاسئله ويستنى اجوبتك :952-image:

بنت فلسطين

12-31-2008, 01:06 PM

عودة من جديد وفي جعبتي بعض الأسئلة ..

ماهو موقفك من الحب ؟؟

هل جربتيه ؟؟

وهل تؤمنين به ؟؟

دمعة سقطت من عينك .. ما كان سببها ؟؟

عبرة .. ابتسامة .. نظرة شفقة ,, لمن تهديها ؟؟

ماهو تعريفك لكل من ::

المجنون ::

العاقل ::

المتكبر ::

المتواضع ::

هل أنتِ راضية عن نفسك ..؟

هل اللقب والاسلوب للعضو يدل على شيء من الواقع (( واقع العضو )) ؟

ما هو أكثر قسم مفضل لديكِ في منتديات بنت فلسطين ؟؟ ولماذا ؟؟

بيدك خمس وردات لمن تهديها من أعضاء المنتدى ؟؟

ماهو أكثر موقف شعرتِ به بالثقة الكاملة ؟؟

بكلمة عبري عن كل من ::

البحر ::

القمر ::

النجوم ::

الليل ::

الحب ::

منتديات بنت فلسطين ::

وأخيرا .. ماهي سلبيات بنت فلسطين وماهي إيجابيتها بكل صراحة ؟؟

فلسطيني حر

12-31-2008, 01:12 PM

اهلا اختي مرووم شرفتي الكرسي

ساترك المجال لبقية الاعضاء لي عودة باذن الله وبجعبتي اسئلة

مروووم

12-31-2008, 03:14 PM

احلى مروووومو نورتي يا عسل
وهي كمن سؤال بتمنى ما يكونو تقال عليكي
تسلميلي ياعسل ..اكيد مو تقال علي لانهم منك يا اموورة

1)ماهي الفائدة الذي جنيتيها من جلوسك خلف شاشة الكمبيوتر على النت؟؟
اكيد ساعدتني على فهم الناس وعلمتني كيف اتعامل معهم ..وكمان افهم كل انسان كيف بفكر وهيك يعني ...واستفدت كمان من مواقع الرسم

2)ما هو مبدأك في الحياة ؟؟
انا اعامل الناس كما احب ان يعاملوني
**
اذا كان الكلام من فضة فالسكوت من ذهب

3)ماذا تعني لك الاسره والاولاد؟؟
كل شي حلو ...اكيد العيلة اهم شي عند اي انسان

4)مين اكتر عضو بتحبيه وبتعزيه بالمنتدى ؟؟
نكشة راس :952-image:...وانتي ياعسل

5) حادثة او واقعة حدثت لك انت شخصيا وا ستفدت منه الكثير... ان امكن ان تذكري الحادثة وما استفدتيه منها ??
مرة صار معي موقف مع بنات بالجامعة ...بس ماراح احكي لانو جد مابدي اتزكر
تعملت من هالموقف كيف اقدر اتصرف مع الناس
واكتشفت انو الصدقه بهالايام كتير قليله ..وانو مو اي حدا بضحك بوجهي يعني هو صديق وبحبني جد .

6)اخر شي كمان السؤال مسروء شو سيئات شاين انجل وايجابياتها؟؟
شاين بنت بتجنن وعسل وبحبها كتير
وبعد ماتعرفت عليها وصرنا نحكي ..اكتشفت انو في كتير اشياء مشتركة بينا

وخلصت الاسئله ويستنى اجوبتك :952-image:
تسلميلي ياعسل وانشالله اجوبتي تكون عجبتك

مرووووم

مروووم

12-31-2008, 03:51 PM

عودة من جديد وفي جعبتي بعض الأسئلة ..

ماهو موقفك من الحب ؟؟
الحب شعور حلو لما يكون في تفاهم بين الي بحبو بعض
بس بالنسبه الي هو الالم

هل جربتيه ؟؟
يس جربتو

وهل تؤمنين به ؟؟
اكيد ..الحب مافي احلى منو لما يكون صادق ولما يكونو الي بحبو بعض مناسبين لبعض

دمعة سقطت من عينك .. ما كان سببها ؟؟
لما استشهد ابن عمي..وخال امي
بكيت لحتى نشفو دموعي

عبرة .. ابتسامة .. نظرة شفقة ,, لمن تهديها ؟؟
عبرة وابتسامة ::لكل الي بحترمهم بحياتي ولناس الي معي
نظرة شفقة ::اكيد على الي بصير بفلسطين

ماهو تعريفك لكل من ::

المجنون :: مرتاح من كل شي

العاقل :: الانسان الي محاسب على كل عمل

المتكبر :: انسان غير مرغوب فيه

المتواضع :: انسان رائع

هل أنتِ راضية عن نفسك ..؟
اكيد راضيه بس مو كل الرضى
لسا في كتير اشياء

هل اللقب والاسلوب للعضو يدل على شيء من الواقع (( واقع العضو )) ؟
مو دايما ...يعني كل واحد على حسب هو كيف

ما هو أكثر قسم مفضل لديكِ في منتديات بنت فلسطين ؟؟ ولماذا ؟؟
كل الاقسام بحبها ...بس يمكن اكتر شي قسم الاعترافات عشان بتعرف على كل الاعضاء

بيدك خمس وردات لمن تهديها من أعضاء المنتدى ؟؟
اول ورده ..راح تكون لنكشة راس :952-image:
والتانيه.. لشاين و دمعة
والتالته .. لشموخي وقوت
والرابعة .. لفلسطيني
والخامسة .. لبنت فلسطين و لولا

ماهو أكثر موقف شعرتِ به بالثقة الكاملة ؟؟
لما اخدت نتيجتي التوجيهي وكان معدلي حلو

بكلمة عبري عن كل من ::

البحر ::عشقي

القمر :: نور الليل

النجوم ::صديق القمر

الليل ::السكون والهدوء

الحب ::التعب والألم

منتديات بنت فلسطين ::بيتي التاني

وأخيرا .. ماهي سلبيات بنت فلسطين وماهي إيجابيتها بكل صراحة ؟؟
بنت فلسطين ..امورة كتير وراكزة بصراحه بحس كلها ايجابياتي يعني شو ماراح احكي مابكون حكيت الشي الصح

يسلمووو عسولة على الأسئلة الحلوة
انشالله تكون اجوبتي تمام
مرووم

مروووم

12-31-2008, 03:53 PM

اهلا اختي مرووم شرفتي الكرسي

ساترك المجال لبقية الاعضاء لي عودة باذن الله وبجعبتي اسئلة

اهلين فيك فلسطيني
بستناك انا
مرووم
:(

نكشة راس

01-01-2009, 08:25 PM

نْتُِِّْجًِْآدًٍل عًٍلى هٍَمًسٌِِّآتُِِّْ آلبٌَِحٍّرٌٍ ..

عًٍلى مًرٌٍسٌِِّى آشًِْوٍآقٌٍيَ ..

آنْتُِِّْظْرٌٍ قٌٍآرٌٍبٌَِ حٍّبٌَِيَ ..

آيَنْ آنْتُِِّْيَ ...؟؟

يَآ ملكة عرشي ...

مرووم تقبلي مني هذه الاسئلة

1.من يكون الشاب الذي تقفين امامه ضعيفة؟ طبعا غير الوالد
2.هل تتزوجي من تحبيه .. ام تحبي من تتزوجيه !! وايهما ترينه اجمل ؟
3.ايهما اجمل الرجل في الواقع ام في الخيال!!
4.هل خضتي يوما حربا من اجل الوصول الى قلب رجل .. وهل ظفرتي بقلبه !!
5.ماهي الكلمة التي تربككي من الرجل !!
6.ليش البنات يحبوا يطولون اظافيرهم؟؟
7.ليش البنات يتابعون الموضة؟؟
8.ليش البنات يخافون من الحشرات والحيوانات الاليفه؟؟
9. ليش البنات مخلصين في كل شي حتى مع اللي مو وفيّ ؟؟

10.رأيك بكل من
فلسطيــني حر
بنت فلسطين
شاين انجل
دمعة لاجئة
نكشة راس
الحب

لي عودة ...

مروووم

01-02-2009, 04:35 AM

نْتُِِّْجًِْآدًٍل عًٍلى هٍَمًسٌِِّآتُِِّْ آلبٌَِحٍّرٌٍ ..

عًٍلى مًرٌٍسٌِِّى آشًِْوٍآقٌٍيَ ..

آنْتُِِّْظْرٌٍ قٌٍآرٌٍبٌَِ حٍّبٌَِيَ ..

آيَنْ آنْتُِِّْيَ ...؟؟

يَآ ملكة عرشي ...

ياعيني ياااعيني على هالحكي الحلو

مرووم تقبلي مني هذه الاسئلة
اكيد بتقبلها منك ياعسول انت
كم دودو انا عندي :952-image:

1.من يكون الشاب الذي تقفين امامه ضعيفة؟ طبعا غير الوالد
مافي حدا معين ..لاني ماببين لحدا اني ضعيفه ...حتى لو كنت بداخلي ضعف

2.هل تتزوجي من تحبيه .. ام تحبي من تتزوجيه !! وايهما ترينه اجمل ؟
اكيد راح اتزوج الانسان الي انا بحبو ...واكيد الزواج عن حب اجمل واحلى لاني بكون عارفه هالانسان وبعرف كيف بفكر ومتفاهمين مع بعض على كل شي

3.ايهما اجمل الرجل في الواقع ام في الخيال!!
اكيد بالخيال ...لانو البنت بترسم بخيالها الشب الكامل الي مابينقصو شي ...بس بالواقع ماحدا بكون كامل ..الكمال ل الله

4.هل خضتي يوما حربا من اجل الوصول الى قلب رجل .. وهل ظفرتي بقلبه !!
لاء طبعا

5.ماهي الكلمة التي تربككي من الرجل !!
اكيد الكلام الحلو وخصوص ازا كان واقف وجهي

6.ليش البنات يحبوا يطولون اظافيرهم؟؟
بتجمل ايدين البنت ...بتعطيها شكل نعومة

7.ليش البنات يتابعون الموضة؟؟
لانو اكتر شي مهم للبنت ....وبعدين عشان تحافظ على اناقتها

8.ليش البنات يخافون من الحشرات والحيوانات الاليفه؟؟
لانهم رقيقات ونعومات يعني كل شي فينا ناعم

9. ليش البنات مخلصين في كل شي حتى مع اللي مو وفيّ ؟؟
لانو قلب البنت مافي اطيب منو وبتفكر كل الناس متلها

10.رأيك بكل من
فلسطيــني حر..مديرنا عسوول وامووور ياعالم
بنت فلسطين ..راكزة كتير وعسولة وبتعجبني ردودها كتير
شاين انجل ..بتجنن و بتنحب كتير والها جو بالمنتدى
دمعة لاجئة ..امورة وعسل وبحبها كتير
نكشة راس..عسولي انت.:952-image:
الحب ..الحب شعور حلو ...بس لما يكون في ثقة ويكون صادق

لي عودة ...

بستناك عسولي
ويسلموو كتير على الأسئلة عسول

مروووم

!"شموخي يكسركـ"!

01-02-2009, 04:54 AM

منورة مرووم انا بؤوول مالو الكرسي بضوي وبنشر عسل

لانو مرووم هوون :952-image:

يااي انتي متلي راح ادرس متلك مرووم

نكشة هههههه اسالتك حلوة على فكرة يعني فيها نوع من الغرابة
بانو شب يسال هيك اسالة او يفكر يسال هيك شي بس حلو

مرووم انا عندي كم سؤال حبووبتي [/

COLOR]

[COLOR="DarkOrchid"]اول شي شو اكتر شي بتحبي بالحياة ؟

شو الشي الي بتعملي كل يوم غير الصلاة طبعا اشياء منالحياة ؟

شو رايك بالبنت الي بتسمي حالها محجبة ونص شعرها لبرة ؟

شو المكان الي بتحبي تروحيه كتير ؟

شو الاكلة المفضلة الك !!

امممم شو النك الي حاتيتو بالمسن هلأ !!

واخيرا

شو بتشعري تجاه العضو (شموخــي يكسركـــ) :952-image: ووشو الايجابيات والسلبيات !!

وان شاءالله ما اكون عزبتك بالاسئة حياتو

دمتي عزيزتي بود:952-image:

مروووم

01-02-2009, 05:09 AM

منورة مرووم انا بؤوول مالو الكرسي بضوي وبنشر عسل

لانو مرووم هوون :952-image:

يااي انتي متلي راح ادرس متلك مرووم

تسلميلي يااااعسل والله انتي الي منورة
يلا حلو ادرسي متلي ..الدراسة حلوة وممتعه كمان

نكشة هههههه اسالتك حلوة على فكرة يعني فيها نوع من الغرابة
بانو شب يسال هيك اسالة او يفكر يسال هيك شي بس حلو

مرووم انا عندي كم سؤال حبووبتي

اول شي شو اكتر شي بتحبي بالحياة ؟
اكتر شي بحبو اكيد اهلي ورضاهم علي

شو الشي الي بتعملي كل يوم غير الصلاة طبعا اشياء منالحياة ؟
بأعد على النت ...مابقدر يجي يوم وما ادخل ض9

شو رايك بالبنت الي بتسمي حالها محجبة ونص شعرها لبرة ؟
اكيد مابتكون محجبة عن اقتناع ..بعدين برأي الي بدها تتحجب يا بتكون محجبة صح يا بلا ...صحيح انا مو محجبة ..بس اكيد لما اتحجب راح اكون ملتزمه فيه واتحجب صح :952-image:

شو المكان الي بتحبي تروحيه كتير ؟
بحب اروح على السينما وعلى كوفي اروما بالبحرين ...لانو بالسعوديه ماعنا سينما ض9

شو الاكلة المفضلة الك !!
امممممم بحب ورق العنب كتير :952-image:
والمسخن بموت فيه :952-image:

امممم شو النك الي حاتيتو بالمسن هلأ !!
[a=#000000]قلوبــــنا مــعـكم يــا أهـــل غــــزة [/a=#800040] [a=#000000][/a=#800040]

واخيرا

شو بتشعري تجاه العضو (شموخــي يكسركـــ) :952-image: ووشو الايجابيات والسلبيات !!
شموخي عسل والله وكتير بتجنني ...محبوبة من الكل ...ودمك خفيف..وشتورة كمان تعملتي كلمة نهفة من المنتدى ض9
سلبيات ماعندك :952-image:

وان شاءالله ما اكون عزبتك بالاسئة حياتو
دمتي عزيزتي بود:952-image:

اكيد ماعزبتيني ياااعسل
تسلميلي عسولة
مرووم

قوت القلوب

01-03-2009, 08:38 AM

ياهلا والله ومية غلا

مرووم عالكرسي ..

اكييييد منورة ..

وهي أحلى كاسة كابتشينو ..

http://ngam2005.jeeran.com/etching05.jpg

يلا نبلش بالأسئلة ::

بسم الله بلشنا ::

أعطي لنفسك نسبة مئوية لكل ::

ذكائك ؟؟

سعادتك ؟؟

حزنك ؟؟

إيجابياتك ؟؟

سلبياتك ؟؟

علاقتك بإصدقائك ؟؟

علاقتك بالعائلة ؟؟

خبرتك بالحياة ؟؟

التفاؤل ؟؟

التشاؤم ؟؟

* أعظم جرح دفنتيه ؟؟

* أكتر شخص تتقبلي انتقاده من دون زعل ؟؟

* 3 امنيات حابة انهم يتحققوا ؟؟

* لأي حد وصلت طموحاتك وأحلامك ؟؟

* عندك 3 رصاصات مين بتقتلي فيهم ؟؟

* بتحبي الوحدة ؟؟

* كيف بتداوي حزنك ؟؟

وان شاءالله إلى رجعة حبيبتي ..

بس من دون ماتدعي علي عالأسئلة .. ض9

مروووم

01-03-2009, 09:31 AM

ياهلا والله ومية غلا

مرووم عالكرسي ..

اكييييد منورة ..
تسلميلي يااعسل
وهي أحلى كاسة كابتشينو ..

http://ngam2005.jeeran.com/etching05.jpg

يم يم يم ....زاكية كتير
فتحتلي نفسي على الاسئلة ض9

يلا نبلش بالأسئلة ::

بسم الله بلشنا ::

أعطي لنفسك نسبة مئوية لكل ::

ذكائك ؟؟ 95%

سعادتك ؟؟80%

حزنك ؟؟20%

إيجابياتك ؟؟75%

سلبياتك ؟؟25%

علاقتك بإصدقائك ؟؟100%
علاقتك بالعائلة ؟؟100%

خبرتك بالحياة ؟؟40%

التفاؤل ؟؟70%

التشاؤم ؟؟30%

* أعظم جرح دفنتيه ؟؟
الجرح الي جرحني اياه الانسان الي حبيتو
* أكتر شخص تتقبلي انتقاده من دون زعل ؟؟
اختي لكبيرة بتقبل كل شي منها بحسها فاهمه الدنيا صح
* 3 امنيات حابة انهم يتحققوا ؟؟
اتخرج من الجامعة ...واشوف صاحبيتي الي صرلي تقريبا 5 سنين مو شايفيتها ...وتتحرر فلسطين
* لأي حد وصلت طموحاتك وأحلامك ؟؟
وصلت لحد مابتتصوري ...انا سافرت مع أحلامي وطموحاتي ..عايشة مع الاحلام الاخت ض9
* عندك 3 رصاصات مين بتقتلي فيهم ؟؟
الحكام العرب واليهود ض9
* بتحبي الوحدة ؟؟
احيانا بحبها بس مو دايماً
* كيف بتداوي حزنك ؟؟
دموعي هي الي بتريحني ...يعني لما ابكي برتاح وبخفف من الشي الي مدايئني ومخليني حزينة

وان شاءالله إلى رجعة حبيبتي ..
بس من دون ماتدعي علي عالأسئلة .. ض9
لاء ولو مابدعي عليكِ عسووول
يسلمو ياااعسل على الاسئلة
بستناكِ انا
مرووم

نكشة راس

01-05-2009, 10:12 AM

عندما يحين المساء ..
أحتسي قهوتِي ,
وأخرجُ مِنْ وحدتي
أسيرُ بالطرقاتِ ..
وأطرقُ الأبوابَ , أبحثُ عنكـ
أسألُ جَميع البشر ..
اين هيا ؟!
يلتزمون الصَمت ..
وأراك على كرسي الاعتراف ض9
نبدأ الاسئلة
1- كم مشكلة عملتي بحياتك ؟ ض9
2- شخص مشهور تمنيت أنك أنت مكانه؟؟
3- هل انتي مطيعة ؟
4- كم مرة صبغتي شعرك ض9 ؟
5- هل تساعدين أمك بشغل البيت ؟
6 - مين احلى فنان عاجبك ؟
7- هل تتمنين ان تصبحي أم ؟
8- بعرفك بتشتري كتير وتتبضي . سؤالي كم ميزانيتك للملابس ض9 فضحناها
9- ما هي اكثر بلد تحبين زيارتها :952-image: ض9 ع اساس مش عراف
10 - ما هو الاهم الزواج او اكمال دراستك ؟
11- رتبي الاعضاء حسب مودتك لهم
بنت فلسطين
نكشة راس
لولا
شموخي
فلسطـيني حر
قوت القلوب
صمود غانم
شاين انجل
احمد
المهند
ارجو ان تنال اعجابك ما اكون ثقلت عليك

آعلم ان كلماتـﮯ ستصلـﮕ ,.
وآنك ستقرآها حرفا حرفا ,.
ولـﮕـن فلتعلم بإن ودي لك آكبر من آحرف سطرتها ودونتها على ورق
فـ شعوري الذي يتوالد كل يوم من اجلـﮎ أكبر من ثلاث حروف تتشـﮕـل على سطور ,.

نكشة راس

مروووم

01-05-2009, 02:05 PM

عندما يحين المساء ..
أحتسي قهوتِي ,
وأخرجُ مِنْ وحدتي
أسيرُ بالطرقاتِ ..
وأطرقُ الأبوابَ , أبحثُ عنكـ
أسألُ جَميع البشر ..
اين هيا ؟!
يلتزمون الصَمت ..
وأراك على كرسي الاعتراف ض9
:952-image: شو هالكلام الحلو دودو عم تخجلني
نبدأ الاسئلة
1- كم مشكلة عملتي بحياتك ؟ ض9
شو هالسؤال دودو الله وكيلك مافكرت اعدهم ...بس كتير يعني ض9
2- شخص مشهور تمنيت أنك أنت مكانه؟؟
مافي حدا ...لاني مابدي اكون مشهورة انا هي راضيه بحالي ض9
3- هل انتي مطيعة ؟
يس مطيعة ...ولا شو رأيك انت :952-image:
4- كم مرة صبغتي شعرك ض9 ؟
ولا مرة:952-image: ...لون شعري طبيعيض9
5- هل تساعدين أمك بشغل البيت ؟
يس يس طبعا بساعدها
6 - مين احلى فنان عاجبك ؟
اممممم وائل كفوري ...وعاصي الحلاني
7- هل تتمنين ان تصبحي أم ؟
طبعا اكيد
8- بعرفك بتشتري كتير وتتبضي . سؤالي كم ميزانيتك للملابس ض9 فضحناها
دودو شو هاد ولك ....كتير بس مافي مبلغ معين ...يعني كل ما اكون زهئانة بشتري
9- ما هي اكثر بلد تحبين زيارتها :952-image: ض9 ع اساس مش عراف
بحب الاردن كتيررررررر ...لانو فيها كل الناس الي بحبهم وبشتئلهم وبستنى بالصيف يجي بسرعه
10 - ما هو الاهم الزواج او اكمال دراستك ؟
اكمل دراستي اهم شي عندي
11- رتبي الاعضاء حسب مودتك لهم
بنت فلسطين
نكشة راس
لولا
شموخي
فلسطـيني حر
قوت القلوب
صمود غانم
شاين انجل
احمد
المهند
كل الاعضاء على عيني وراسي دودو والكل بحبهم وبعزهم..وعندي تقريبا الكل نفس الشي والله ..بس راح ارتب كل مجموعة مع بعض
اول شي (نكشة راس -شاين انجل -فلسطيني حر-دمعة لاجئة-شموخي)
تاني شي (قوت القلوب -بنت فلسطين-صمود غانم-لولا -المهند -احمد )
ارجو ان تنال اعجابك ما اكون ثقلت عليك
اكيد عجبتني دودو ...ما بتقل علي انت ولو

آعلم ان كلماتـﮯ ستصلـﮕ ,.
وآنك ستقرآها حرفا حرفا ,.
ولـﮕـن فلتعلم بإن وديلك آكبر من آحرف سطرتها ودونتها على ورق
فـ شعوري الذي يتوالد كل يوم من اجلـﮎ أكبر من ثلاث حروف تتشـﮕـل على سطور ,.

ياعيني على الكلام الحلو
يسلمو دودو على هالكلام وعلى الاسئلة ...وانشالله تعجبك اجوبتي ض9
مرووووم

نكشة راس

01-05-2009, 02:09 PM

مشكورة مرووم على اجوبتك هههههههههههه
بعرف احرجتك بكم سؤال ض9
بس شو اعمل هيك الكرسي بدو منورة الكرسي
واكيد انتي مطيعة :952-image:

مروووم

01-05-2009, 02:13 PM

مشكورة مرووم على اجوبتك هههههههههههه
بعرف احرجتك بكم سؤال ض9
بس شو اعمل هيك الكرسي بدو منورة الكرسي
واكيد انتي مطيعة :952-image:

اي بس مابتقدر علي انت قدرت اطلع حالي من بعض الاسئلة ض9
اي عادي مو مشكلة وانا مستعدة لكل شي دودو ض9
تسلملي عسووول :952-image:

فلسطيني حر

01-05-2009, 02:26 PM

يلا اليوم اخر يوم مروم خليني الحق حالي باكم سؤال عل ماشي ض9

هل عندك هل لديك القدرة على لبس الحجاب بعد فترة ..... بشرط القناعة

كم نمرة رجل ض9

كم واحد عامليتله بلوك على مسنجر

اذا كنتي شابكة اوف لاين مع مين بتفضلي تحكي

هل تعتبرين الحب لهوا ؟؟؟؟؟؟

هل تفرضين شخصيتك على باقي اخوتك ام هناك تفاهم بينكم

كل كم يوم بتفرشي سنانك ض9

بتغسلي رجليكي قبل ما تنامي ؟؟؟؟؟ <<<< نكشة راس طلب اسالك هل سؤال ض9

من اكثر عضو تفضلينه من بين ها اولاء

انا واعوذ بالله من كلمة انا ض9

بنت فلسطين

نكشة راس

شاين

دمعة لاجئة

صمود غانم

شموخي

احمد

لولا

وبالتالي من اكثر عضو تكرهينه ليس لمستوى الكراهية لا تستلطفينه .... الكرسي يطلب الصراحة طبعا

كم دعوة دعيتي علي هلاء ض9

يلا لحلحيلي حالك وجاوبي :)

مروووم

01-05-2009, 02:39 PM

يلا اليوم اخر يوم مروم خليني الحق حالي باكم سؤال عل ماشي ض9

هل عندك هل لديك القدرة على لبس الحجاب بعد فترة ..... بشرط القناعة
اكيد عندي القدرة ...وانا عم بفكر البسو...وماعندي مانع من لبسو ابدا

كم نمرة رجل ض9
38 ض9

كم واحد عامليتله بلوك على مسنجر
تنين بسض9

اذا كنتي شابكة اوف لاين مع مين بتفضلي تحكي
دودو ....وصاحبيتي ايمانو

هل تعتبرين الحب لهوا ؟؟؟؟؟؟
طبعا لاء ...الحب شعور واحساس حلو وصادق بين اي تنين

هل تفرضين شخصيتك على باقي اخوتك ام هناك تفاهم بينكم
لاء في تفاهم اكيد

كل كم يوم بتفرشي سنانك ض9
شو هالسؤال ولك ....اسألني باليوم كم مرة بفرفش سناني مو كل كم يوم ...اكيد كل يوم يعني ض9

بتغسلي رجليكي قبل ما تنامي ؟؟؟؟؟ <<<< نكشة راس طلب اسالك هل سؤال ض9
بسيطة دودو بسيطة حسابك بعدين ...بما انو هالسؤال من دودو ماراح اجاوب ض9

من اكثر عضو تفضلينه من بين ها اولاء
(نكشة راس ) بس شكلي راح اغير بعد هالاسئلة ض9

انا واعوذ بالله من كلمة انا ض9

بنت فلسطين

نكشة راس

شاين

دمعة لاجئة

صمود غانم

شموخي

احمد

لولا

وبالتالي من اكثر عضو تكرهينه ليس لمستوى الكراهية لا تستلطفينه .... الكرسي يطلب الصراحة طبعا ...ولك شو هاد انت ودودو متفقين علي شكلكم ...مافي حدا بكرهو ومافي حدا مابستلطفو ...كلهم بحبهم وعلى عيني وراسي

كم دعوة دعيتي علي هلاء ض9
ولا مرة بس جد يمامي من اسئلتك بتخوف انت ودودو :3:

يلا لحلحيلي حالك وجاوبي :)

اي شايف سريعه طلعت ولحقت
يسلمووو ياعسل على الاسئلة
مروووم