ضيفتنا هذا الأسبوع على كرسي الاعتراف ..

[بنت فلسطين]

أحبتي إدارة .. أعضاء .. ومشرفين منتدى بنت فلسطين ,, الكرام ..





السلام عليكم ورحمة الله وبركاته ,,




أسعد الله أوقاتكم بكل الخير ..



يسرني اليوم في كرسي الاعتراف..



أن أجدد اللقاء مع ضيفتنا الجديدة..


لكل
الأعضاء معنا شخصيات

نتمنى أن نزيح عنها الستار يوما

لـ نتعرف عليهم أكثر ..

ضيفة كلي ثقه انها تستحق ان تكون ضيفة معنا ..

تحمل الكثير من الخير والمحبة للآخرين ..

استطاعت بأخلاقها وتعاملها المميز أن تكون مقربة من قبل الجميع

شخصية إتصفت بتواضعها و حضورها القوي

عضوة تألقت في سماء بنت فلسطين حتى أصبحت نجمة لامعة بحق

لن أطيل ..

وأترك لكم المجال للكشف عن الجانب الذي لا نعرفه عن شخصية ضيفتنا الغالية ..



shine angel


تفضلي بذكر بطاقتك الشخصية ..

[Shine angel]

اول شي بحب كتير اشكرك بنت فلسطين عالمقدمه الرائعه والزوء متلك
بجد كلام اخجلني فعلا
ويعطيكي الف عافيه يارب

البطاقه الشخصيه:-
الاسم :روان
العمر :20 سنه الا شهرين
المهنة :طالبه جامعيه
الدولة :فلسطين
الاقامة :قطر
الهواية : عندي كتير بحب اقرا روايات والانترنت والسينما وغيرها

وطبعا الي الشرف اني اكون ضيفتكم على كرسي الاعتراف وبنتظر الاسئله
تحياتي
q2

[بنت فلسطين]

عودة من جديد وفي جعبتي بعض الأسئلة ..


ماهو موقفك من الحب ؟؟

هل جربتيه ؟؟

وهل تؤمنين به ؟؟

دمعة سقطت من عينك .. ما كان سببها ؟؟

عبرة .. ابتسامة .. نظرة شفقة ,, لمن تهديها ؟؟

ماهو تعريفك لكل من ::

المجنون ::

العاقل ::

المتكبر ::

المتواضع ::


هل أنتِ راضية عن نفسك ..؟

هل اللقب والاسلوب للعضو يدل على شيء من الواقع (( واقع العضو )) ؟

ما هو أكثر قسم مفضل لديكِ في منتديات بنت فلسطين ؟؟ ولماذا ؟؟

بيدك خمس وردات لمن تهديها من أعضاء المنتدى ؟؟

ماهو أكثر موقف شعرتِ به بالثقة الكاملة ؟؟

بكلمة عبري عن كل من ::

البحر ::

القمر ::

النجوم ::

الليل ::

الحب ::

منتديات بنت فلسطين ::

وأخيرا .. ماهي سلبيات بنت فلسطين وماهي إيجابيتها بكل صراحة ؟؟

[Shine angel]

ماهو موقفك من الحب ؟؟

الحب شيئ رائع بس يكون صادق ومخلص من كلا الطرفين.

هل جربتيه ؟؟

جربتو مره وحده .

وهل تؤمنين به ؟؟

ازا كان في اخلاص وصدق وحب حقيقي متبادل من الشخصين رح اؤمن فيه, اما ازا كان في لعب من احد الاشخاص لا اعتبرو حب ومستحيل اؤمن فيه .

دمعة سقطت من عينك .. ما كان سببها ؟؟

البنات ما اكتر بالبكا, احدى دمعات نزلت مني عوفاة جدي

عبرة .. ابتسامة .. نظرة شفقة ,, لمن تهديها ؟؟

عبرة وابتسامه لكل انسان بحبني وبحترمني.
شفقه لكل مسكين فاقد حد من عيلتو , انسان مو لاقي لقمه عيش , وبالاخير اكيد لاهلي الي بعانو في فلسطين.

ماهو تعريفك لكل من ::

المجنون : انسان الله راحمو من الدنيا ومشقاتها.

العاقل :انسان يستحق الاحترام.
المتكبر :مكروه من قبل الجميع.
المتواضع :محبوب من الاخرين.


هل أنتِ راضية عن نفسك ..؟

مش كامل الرضا في كتير اشياء فيني حابه اغيرها وانشالله رح تتغير عن قريب.

هل اللقب والاسلوب للعضو يدل على شيء من الواقع (( واقع العضو )) ؟

في منو بس اكيد مش بالزبط في بعض الاسلوب العضو اكيد ما رح يضهرو بالمنتدى من خلال مواضيعو او ردودو. لانو في بعض التصرفات ممكن يخفيها الشخص بالمنتديات لكن بس تشوفو بالحقيقه وتعد معو مده من الزمن رح تتفاجئ بتصرفات ما شوفتها ابل هيك منو.

ما هو أكثر قسم مفضل لديكِ في منتديات بنت فلسطين ؟؟ ولماذا ؟؟

صراحه جميع الاقسام واكيد بالاخص قسم الديكور والازياء وبحب كمان قسم الاعترافات بحسو بقوي العلاقات بين الاعضاء والواحد ممكن يعرف سلبياتو ويحسن من حالو .

بيدك خمس وردات لمن تهديها من أعضاء المنتدى ؟؟

اول ورده بهديها لصاحبه الموضوع
تاني ورده لفلسطيني
تالت ورده لنكشه ومروم
رابع ورده لدمعه لاجئه
وخامس ورده لشموخي ولولا وقوت القلوب والمهند

ماهو أكثر موقف شعرتِ به بالثقة الكاملة ؟؟

موقفين نجاحي بالتوجيهي بمعدل عالي ما حد كان متوقعو والتاني اخدت الرخصه من اول مره كمان لانو ما كان حد متوقع هالشي مني وخاصه انو اخوي الي اكبر مني ب 3 سنين سقطت مرتين

بكلمة عبري عن كل من ::

البحر :: الهدوء والسكون

القمر : الضوء الخافت

النجوم ::زينه السماء

الليل ::الظلام والهدوء

الحب ::الاخلاص والاحترام

منتديات بنت فلسطين :بيتي التاني واسرتي التانيه الي بقضي معظم وقتي معهم
وأخيرا .. ماهي سلبيات بنت فلسطين وماهي إيجابيتها بكل صراحة ؟؟

بصراحه بنت فلسطين انا كتير حكيت عنها انها انسانه كتير عاقله وراكزه وطيبه وقلبها ابيض وعنجد اكتر شي بحب فيها ردودها الرائعه الي بتبهر الشخص الي بقرا ومن جهتي ما في اي سلبيات عليكي والله يوفقك يارب ويضل المنتدى ناجح بوجودك انتي وفلسطيني وجميع الاعضاء
وبشكرك مرع تانيه على الاسئله الرائعه
تحياتي

[دمعة لاجئة]

اوه اوه شاين هنا منورة وربي
رجعالك ومعي كم سؤال بس مش هلاض9
يسلمو عالوردة يا عسل

[lola]

ياااااااااااااااي الحجة شاين قاعدة :952-image:

يلا انا رجعالك بس افكر اشوي ض9

استنيني مش اتروحي و تتركيني :3163-image:

[lola]

أنا اجيتلك بأسرع ما يمكن يا طنت شاين :952-image: يلا نبدأ:-

لونك المفضل؟


أكثر شيء بتكرهي بنفسك و لماذا ؟


موقف طريف حصلك ؟


اكتر الأعضاء بتحسيهم مقربين لإلك ؟


اشي واحد بتغيري بالعالم هو ؟


ع لله ما أكون ثقلت عليكي :pray: أنا انصدمت على عمرك بس يلا قربتي اتعجزي لم تتزوجي اعزميني خخخخخخخخ يا طنت شاين ض9

[!"شموخي يكسركـ"!]

شااااااااااااين هووون يا سعدي لك شو هالاعدة

تسلملي هالآمة يا رب

بقطر والله يااااي جنبنا يعني :3163-image:



راح ابلش أسئلة يا مطربتنا الشهيرة شينونة ؟



شو أكتر شي بعجبك بالحياة ؟

بعرف بتحبي الرينج متلي بس شو كمان من السيارات بتحبي ؟

مابعرف ازا بصير تحكيلي شو بتدرسي :952-image:؟

مين عرفك عهالمنتدى ؟

بتآمني بالصداقة ؟ ولئتي صديقة بتأمنيها على كل شي بحياتك لئيتي صديقة اول ما بتحزني بتلجئيلها ؟

شو رايك بالعادات والتقاليد لأهل قطر ؟

شو الشي الي لازم تسوي يوميا طبعا غير الصلاة والاشياء المفروضة يعني شي بحياتك ؟


بما انك بتسوئيي (انا كمان قريبا را أتدرب عالعملي يااي:3163-image:)
متى بتحبي تسوئي باستمتاع ؟ مش لانك بدك توصلي لمكان معين لا ؟

آخر شي شو سلبياتي وشوو ايجابياتي ! ؟ :952-image: (سأرأتوا هالسؤال من بنت لانو عجبني :3163-image:)

وأخيرا وليس آخــرا بهديكي باقة مليئة بالزهور والشوكولا المزينة بلكرستال شينونتي :952-image:

[Shine angel]

ههههههههههههههههه لولا حرام عليكي بعدني صغيره شو طنت وما طنت ض9
راح جاوبك على الاسئله يالولا الصغنونه


لونك المفضل؟

لوني المفضل موف وبينك

أكثر شيء بتكرهي بنفسك و لماذا ؟

ضعفي امام الناس الي بحبهم يعني بكونو غلطانين بحقي واول ما يعتزرولي عطول بسامحهم ولا كانو صار شي.

موقف طريف حصلك ؟

موقف طريق حصل معي ايام المدرسه كنت اعده بغني وبتهبل وبرقص وعلي كان حصه علوم ارض علينا وبعدها المعلمه ما اجت وضهري للباب وبغني ومحموقه فجئه سكتت وصرت احكي هلاء بتيجي المزموزيل نداء الي هيه المعلمه وبتلبش تطرد فينا واحد واحد واخر الفلم المعلمه واقفه عند الباب والبنات صافنين مش عارفين يقولولي ولك خلص اختصري الي تغمزني والي تاشرلي اخر شي لفيت وجي لقيتها بخلقتي حكتلي انا الي بطرد فيكم وحده وحده ويلا بدي استفتح فيكي تفضلي باب الصف مفتوح ض9
بس بعد الحصه رحتلها زي الشاطره واعتزرلتها ولا كانو صار شي.:952-image:


اكتر الأعضاء بتحسيهم مقربين لإلك ؟

دمعه لاجئه...مروم...نكشه...لولا..شموخي والله كلكم عسولات بتجننو


اشي واحد بتغيري بالعالم هو ؟
الناس نفسي امسك شخص شخص واغير كل صفاتو واعملها على كيفي

يسلمووو عسوله لولا عالاسئله الحلوه متلك
تحياتي

[Shine angel]

يسعدها يارب شموخي شو نشيطه ض9 :952-image:
اه طلعت جارتكم وناويه ازوريك عن قريب ببسكليتت نكشه ض9
يلا ابلش باسئلتك


شو أكتر شي بعجبك بالحياة ؟

اكتر شي بعجبني بالحياه اهلي واصدقائي وحياتي الي عايشيتها.

بعرف بتحبي الرينج متلي بس شو كمان من السيارات بتحبي ؟

اه بعشق الرينج بستنى تجيبلي وحده الي والك ض9 بحب كمان المرسيدس والبي ام دبليو.

مابعرف ازا بصير تحكيلي شو بتدرسي ؟

اكيد بحكيلك انا عم بدرس هلاء اي تي وبالاخص برمجه بالنهايه رح اطلع مبرمجه ض9

مين عرفك عهالمنتدى ؟

فلسطيني ونكشه

بتآمني بالصداقة ؟ ولئتي صديقة بتأمنيها على كل شي بحياتك لئيتي صديقة اول ما بتحزني بتلجئيلها ؟

اه الحمد لله عندي صديقه بعتبرها صندوق اسراري كل شي عندي عندها وهيه نفس الشي وعلاقتنا مع بعض من شي 6 سنين وانشالله بتدوم واكيد بامن بالصداقه وانا ما امنتلها الا لعرفتها منيح يعني على السنه التالته بلشت احكيلها كل شي وكل الي بدايقني.

شو رايك بالعادات والتقاليد لأهل قطر ؟

صراحه ما عاشرت بعمري ولا قطري او قطريه وانا صراحتن بتفادى هالشي اولا لاني بجد ما بفهم عليهم انا البنات الي معي بالجامعه لما يحكو معي عنجد ما بفهم ولا كلمه وبفكروني اني بتخوت عليهم بحكيلها بفضل تحكي انجلش ولا تحكي قطري لزالك ما بعرف كتير عادتهم وتقاليدهم بس بشكل عام كتييير متغلقين همه زياده عن اللزوم.


شو الشي الي لازم تسوي يوميا طبعا غير الصلاة والاشياء المفروضة يعني شي بحياتك ؟

انكش راسي على امي ههههههههههه لازم كل يوم تزت علي قذائف من زناخة دمي عليها ض9


بما انك بتسوئيي (انا كمان قريبا را أتدرب عالعملي يااي)
متى بتحبي تسوئي باستمتاع ؟ مش لانك بدك توصلي لمكان معين لا ؟

ههههه انشالله بتاخدي الرخصه من اول مره يا ست شموخي
انا بصراحه كتير بحب السواقه باي وقت لانو بطلع وبضلني مشغله الاغاني الي بحبها فبضل مبسوطه


آخر شي شو سلبياتي وشوو ايجابياتي ! ؟ (سأرأتوا هالسؤال من بنت لانو عجبني )

صراحه ايجابيتك كتيير وماعندك ولا سلبيات بجد بحكي مش بجاملك او شي
ايجابيتك:- كتير مهضومه وخفيفه دم وحركه كتير الك تاثير كتييير كبير عالمنتدى يعني عنجد لو غبتي يوم الواحد بستفقدك وبتحترمي الكل وما شفت عليكي اي غلط .



يسلمووووو عسولتي عالاسئله الروعه متلك وانشالله اكون جاوبت متل ما انتي بدك.

[Shine angel]

يلا دمعوووعه بستنى اسئلتك انا :952-image:

[مروووم]

عسولتي شاااين
منووووره الكرسي ياعسل
برجعلك ومعي كم سؤال
يسلموو ياعسل على الورده :952-image:

[Shine angel]

بستناااكي يا قمر انتي :952-image:

[دمعة لاجئة]

اجيتتت اجيت يا احلى شاين
ومعي كم سؤال يالله انبلش عسولة::
الأول:شو اللي خلاك تشتركين في هالمنتدى؟


الثاني:مين الأعضاء اللي عجبتك شخصيته؟


الثالث: شو اسوأ موقف تعرضتي له في حياتك؟

رابعا:لو ألفتي كتابا ماذا سيكون عنوانه ؟


خامسا:من تحبى ان يكون بجانبك دائما ؟


سادسا:ما الحلم الذى تتمنيه وانت على يقين انه لن يتحقق ؟

سابعا :سؤال مسسروق من بنت فلسطين
شو ايجابياتها دمعة لاجئة وسلبياتها:2303-image:
انشالله ما اكون تقلت عليكي:952-image:

[Shine angel]

الأول:شو اللي خلاك تشتركين في هالمنتدى؟

جو المنتدى والاعضاء بجننو يعني ارتحتلو كتير من اول مافتو مع اني مالي عالمنتديات بالمره وهاد اول منتدى بشترك فيه بسلقيت الاعضاء كتير محترمين وبنحبو هاد اكتر شي شجعني اضل فيه.

الثاني:مين الأعضاء اللي عجبتك شخصيته؟

بصراحه لسا من يومين كنت بحكي لنكشه انو دمعه كتير بحس عقلها كبير وفهمانه وبتنحب بسرعه لزالك انتي اكتر شخصيه بالمنتدى عجبتني.

الثالث: شو اسوأ موقف تعرضتي له في حياتك؟

اسؤا موقف ايام التوجيهي فتت قاعه الامتحان وما كان باقي للامتحان الا تلت ساعه كل هاد عشان سكرو الطرق لانو ماسوره مجاري منفجره العالم كلها تعطلت عن امتحانها بس انا الي زاد الطين بله انو بابا شاف عجئه بدو يختصر الطريق رحنا علقنا بازمه تانيه من اول وجديد وبالاخير فتت عالامتحان وحليت 3 ورقات من 6 يادوب لحقت.

رابعا:لو ألفتي كتابا ماذا سيكون عنوانه ؟

صراحه مش خاطر ببالي بس كان عنا مشروع من يومين بالجامعه نالف كتيب ونسميه فصاحبيتي عرضت علي اسم حلو وكتير حبيتو " رمال الشاطئ الذهبيه "

خامسا:من تحبى ان يكون بجانبك دائما ؟

شخصين امي وصاحبيتي المقربه الي

سادسا:ما الحلم الذى تتمنيه وانت على يقين انه لن يتحقق ؟

كان حلمي ادرس جرافيك ديزاين بس ما زبطت معي لانو بالبلد هون كلو مافي هالتخصص واضطريت افوت برمجه .

سابعا :سؤال مسسروق من بنت فلسطين
شو ايجابياتها دمعة لاجئة وسلبياتها

ايجابياتها اول شي كتتتتتييير خفيفه دم وعنجد بحب الحكي كتير معك ردودك كمان كتير بتجنن شخصيته نادره كتير يعني عقلك كبير شخصيتك قويه ومافي اي سلبيات عليكي

يسلمووو عسوله عالاسئله الحلوه متلك
تحياتي

[فلسطيني حر]

يا هلا شاين شرفتي الكرسي ض9

يلا ندخل بلب الموضوع

عرفت انك ضربتي السيارة من فترة شو كانت ردت فعلك اول ما صار الحادث ويا ريت لو تحطيلنا الصورة الي صورتيها للسيارة

في بعض الاسئلة جاوبتي انك بتامني بالحب لكن يكون مخلص كيف ممكن تكتشفي انه هاد الحب مخلص ولا لعب

مين اكتر شخص بترتحيله وبتشكيله همومك وافراحك

ما في كتير الي رجع مرة تانية

[امير الغرام]

السلام عليكم ورحمة الله وبركاتة

مبروك عليك كرسي الاعتراف شاين انجل

اخبار الكرسي معاك شاين انجل

ان شاء الله تقضين معاه اسبوع رائع

1) نبذه مختصره عن شاين انجل ؟ هواياتها ؟
2) حكمتك المفضله ؟ وشاعرك المفضل ؟ فنانك المفضل ؟
3) ما ذا تعني لك الكلمات الاتيه :-
الزواج 000 الصداقه000 الاخوه 000 الاعضاء اللى همهم اذيه البنات 000 العدل 000 الامانه 000 المنتدى 000
الحب 000 شارون 000 الاقصى 000 الوحده العربيه 000 الليل 000 القمر 000 السكينه
4)لمن تعطي هذه المسميات :-
القلم الذهبي000 مكنسه 000 شهاده تقدير 000 ورده حمراء 000 ورده بيضاء 000 ورقه بيضاء 000 مع ذكر الاسباب؟
5)ما رايك بهذه الاسماء :-
امير الغرام 000 رنيم الليل 000 فلسطيني حر 000 بنت فلسطين 000 نكشة راس000 قوت القلوب 000 دمعة لاجئة 000 شموخي يكسرك.
6) ما هي سلبيات المنتدى برايك ؟. وكيف يمكن تجاوزها ؟
7) المشرفين ؟!!!! من برايك يستحق تلك الكلمه من مشرفين منتدانا ؟ لماذا؟
8) ساعطيك ورقه وقلم مع القليل من الالوان الخافته واريد منك ان ترسمي لوحه معبره عن حال العالم العربي ؟ ماذا ستفعلين ؟

هذا ما لدي من اسئلة

تقبل مروري

امير الغرام.

:1193-image:

[!"شموخي يكسركـ"!]

شاين منـورة والله انتي العسل ^^

والله

يي طلعتي متلي بتحبي الرنج والبي ام دبليوا بس انا كمان بحب الكورفت ياااي :3163-image:

والله منورانا بالكرسي عاملالوا بهجـــــــة :952-image:

هههههههه عن جد موقف بجنن تبع الابلــــــة (وهيني حبدأ فيكي ) هههه ض9


عندي كم سؤال هيك زغنوطين !

اول شي سلامات على ضربة السياارة ان شاءالله ما صارلك شي :3: !!!

بتحبي الهدوء والا العجئة والناس ؟

بتحبي الليل والا لنهار ؟

بتخافي بالليل لحالك والا عادي عندك !!

شو انواع الورد الي بتحبيه !!

شو اكتر شي بجذبك بالمجلات !!

بتحبي تعملي shopping بهوس والا عادي !!

بتحبي الدهب والاكسيزوريز أكتر !!


انتهت الاسئلــــــــــــــــــة يا عسل :952-image:

وان شاءالله ما تألت عليكي بما اني حطيت أسئلة كمان مرة :952-image:

[Shine angel]

يا هلا شاين شرفتي الكرسي ض9

يلا ندخل بلب الموضوع

عرفت انك ضربتي السيارة من فترة شو كانت ردت فعلك اول ما صار الحادث ويا ريت لو تحطيلنا الصورة الي صورتيها للسيارة

في بعض الاسئلة جاوبتي انك بتامني بالحب لكن يكون مخلص كيف ممكن تكتشفي انه هاد الحب مخلص ولا لعب

مين اكتر شخص بترتحيله وبتشكيله همومك وافراحك

ما في كتير الي رجع مرة تانية

اهلا وسهلا في فلسطيني والله نورت

وانا حدخل عالاجوبه عطول

رح ابدا كيف الحب بكون مخلص ...الاخلاص اول شي بيجي مع الايام وانت رح تكتشف لحالك يعني طول ما حبيبك معك مستقيم ومالو حركات لف ودوران يعني رح يبين اكيد انو الشب راكز ومخلص اما انك تمسكو مع حدا ويعد يبرللك وترجع تحكي معو عادي ولا كانو صار شي هاد اكيد مو اخلاص هاد اسمو لعب وهبل والي بحب بجد بخلص مابددها تنين يحكو فيها اما بالنسبه لسؤالك التاني اكتر شخص برتحلو وبشكلو همومي صاحبيتي المقربه الي هيه وحده متل ما قلت كل شي عندي عندها.
اما بالنسبه للسياره اكيد كان اسوء شعور الي بس هاد قدر ما بقدر اعمل شي والحمد الله الله عوضني بسياره غيرها واحسن منها.
وهي كمن صوره للسياره

http://www.up-00.com/bzfiles/2rw39080.jpg (http://www.up-00.com/)

http://www.up-00.com/bzfiles/ZOx39082.jpg (http://www.up-00.com/)

يسلموو فلسطينه عالاسئلبه الحلوه والخفيفه
تحياتي

[Shine angel]

امير الغرام الي رجعه مع اسئلتك لانو بدها كتابه كتير رح ارجع اجاوبهم كلهم لانهم بدهم اعده طويله

[Shine angel]

اهلا فيكي مره تانيه يا عسول يا شموخي والله يلم عمرك يارب هيني متل الارده ما صار فيني شي ض9

ويلا نبلش بالاجوبه


بتحبي الهدوء والا العجئة والناس ؟

بحب الهدوء اكتر

بتحبي الليل والا لنهار ؟

الليل

بتخافي بالليل لحالك والا عادي عندك !!

بصراحه عادي لانو انا اصلا بحب الليل

شو انواع الورد الي بتحبيه !!

الفل بموت فيه

شو اكتر شي بجذبك بالمجلات !!

الاخبار والحوادث

بتحبي تعملي shopping بهوس والا عادي !!

بحب بس مو بهوس

بتحبي الدهب والاكسيزوريز أكتر !!

صراحه الدهب ما بحب الاكسيسوريز اكتر


تااانكيووو عسوله عالاسئله الحلوه متلك
تحياتي

[مروووم]

رجعتلك ومعي كم سؤال ياعسل

1- ياورد مين علمك تجرحه ....لمين بتوجهي هالعباره ؟؟؟؟
2-مين هو العضو او العضوة المفضلة الك بالمنتدى ؟؟؟؟
3-مين قدوتك في هالحياة ؟؟؟؟
4- احلى خبر سمعتي بحياتك ؟؟؟؟
5-شو رأيك بمرووووم :952-image:؟؟؟؟

انشالله ما اكون تقلت عليكي :952-image:

[Shine angel]

يا هلا والله بالاموره مرومه نورتي

1- ياورد مين علمك تجرحه ....لمين بتوجهي هالعباره ؟؟؟؟

لانسان كان عزيز كتير علي

2-مين هو العضو او العضوة المفضلة الك بالمنتدى ؟؟؟؟
تلاته انتي ودمعه وشموخي

3-مين قدوتك في هالحياة ؟؟؟؟

بابا
4- احلى خبر سمعتي بحياتك ؟؟؟؟
قبولي بالجامعه من غير ما افوت تاسيسي
5-شو رأيك بمرووووم ؟؟؟؟
مروم عسوووووووووووووووووووووووله كتير كتير وبتنحب وانا من بعد ما صرت احكي معها اكتر اكتشفت انها اموره كتير وهيه مشالله عنها محبوبه من الكل والله يوفقك يااارب


يسلمووو عسوله علاسئله العسل متلك
تحياتي

[Shine angel]

1) نبذه مختصره عن شاين انجل ؟ هواياتها ؟

متل ما قلت بدرس في جامعه اي تي (برمجه ) عمري 20 الا شهرين هوايتي قراءه الروايات والنت وكتير

2) حكمتك المفضله ؟ وشاعرك المفضل ؟ فنانك المفضل ؟

حكمتي المفضله (( الضمير المطمئن خير وسادة للراحة))...شاعري المفضل احمد شوقي ونزار قباني ... وفناني المفضل اليسا


3) ما ذا تعني لك الكلمات الاتيه :-
الزواج (الاستقرار) الصداقه(التضحيه) الاخوه(العطف والحنان) الاعضاء اللى همهم اذيه البنات (لا يعتبرو اناس) العدل (الحق) الامانه 000 المنتدى(بيتي الثاني)
الحب(الاخلاص) شارون(حيوان فريد من نوعو) الاقصى (بلدي ووطني) الليل (السكون والهدوء) القمر (الضوء الخافت) السكينه
4)لمن تعطي هذه المسميات :-
القلم الذهبي(بنت فلسطين) مكنسه (ولاحد) شهاده تقدير (نكشه) ورده حمراء (دمعه لاجئه) ورده بيضاء (مروم) ورقه بيضاء (فلسطيني لحتى يكتبلي مساوئي ض9 ) مع ذكر الاسباب؟
5)ما رايك بهذه الاسماء :-
امير الغرام (اسم رومنسي) رنيم الليل (غريب ونادر) بنت فلسطيين(بكفي على اسم المننتدى واسم بلدنا)000 نكشة راس(مرح هالاسم)0 قوت القلوب (بجنن شو بدو اقول عنو ما بعرف) دمعة لاجئة (اسم معبر كتييير) شموخي يكسرك.(نك نيم قوي كتير)
6) ما هي سلبيات المنتدى برايك ؟. وكيف يمكن تجاوزها ؟

الحمدلله من ناحيتي مو شااايفه اي سلبيات لهذا المنتدى بالعكس في قمه الروعه من حيث الاعضاء والمشرفين والادارين وصاحب الموقع كلو تمام وبجنن.
7) المشرفين ؟!!!! من برايك يستحق تلك الكلمه من مشرفين منتدانا ؟ لماذا؟

صراحه الكل ودمعه لاحئه مشرفه مشالله عنها نشطيه ومافي منها تنين

8) ساعطيك ورقه وقلم مع القليل من الالوان الخافته واريد منك ان ترسمي لوحه معبره عن حال العالم العربي ؟ ماذا ستفعلين ؟

رح ارسم حالنا في بلادنا وحياتنا الي عايشين فيها بفلسطين من التشتت والتدمير
يسلموو ايديك امير
تحياتي

[!"شموخي يكسركـ"!]

:596-image::596-image::596-image::596-image::596-image::596-image::596-image:

شاااااااااااااااااااين لا موومسدئا حاادس
أوي هااااااااااااااااد

منيح ما اجا ناحيتك الحادث بس شو سببوووا ؟

كنتي مسرعة؟؟؟؟؟؟؟؟

يا ماامي خلص بطلت بدي اسوووووووء :596-image::596-image::596-image:

يالله جد جد الحمدلله على سلااامتك منيح ماصارلك شي :3::3::3:

شاااين مرة تانية ما تعملي بحالك زي هيك :3135-image:
من وين بدنا نجيب شاين تانية يعني اه :)

سلااامتك (شعبان عبد الرحيم) ض9 والله انذهلت انا بس شفت السيارة :596-image: انصدمت + خفت + اشعر بدني :3::3::3:

[Shine angel]

متل القرده هيني اسم الله علي ض9
بس نجرحت بايدي خدشه صغنونه ض9
زي كانو بسه مخرمشيتني ض9
لا والله ما كنت مسرعه ولاا شي كنت واقفه بدور عباركينغ ومعطيه فلشر واحد لاند كروزر من ورا جاي طاير طيرااان فاخدني معو ولفت السياره صارت رونغ واي واخدت سياره معي صافه كانت ض9
ولك عادي شو هاي بطلتي تسوئي وكيف بدنا نطلع ونصيع ض9 هيني عملت الحادس ولساتني متل القرده عفكره انا حكيت للكل مش انا الي عملت الحادس ماما ض9 عشان ما حد يشمت فيني وكنت ماخده الرخصه جديد ض9

[فلسطيني حر]

شاين الله يرضى عليكي ردي عل اسالة وحطي الصور بلاش اجيب انا الصور بطريقتي ض9

[Shine angel]

هههههههههههههه اطلع على الصفحه الي قبل حطيتهم ورديت على اسئلتك ض9
ششكتني بحالي والله
كيف شوموخي شافتهم واشعر بدنها بتقلك ض9

[!"شموخي يكسركـ"!]

:3::3::3: مسكينة يعني انتي ما الك خص ما بيفهم هاد موشايف سيارة

طول بعرض اعدة بتصف واحد ما بيفهم :3135-image::3135-image:

الله يجيرنا يارب ما يصير معك هيك مرة تاانية لا انتي ولا كل الناس :pray:

بس مع هاد تبع اللاند كروزر :):) تلائي مش شاايف الي اداموا كاين والا ماخلوا شمة هووروين ض9ض9

والله الحمدلله عسلامتك جد انا بخاف من هالحوادث بموت رعب

عشان هيك بس اسوء حمشي عال20 بس ض9

أخدني معو هههههههههه
اللحمد لله عسالمتك والله >>>>>>يامامي :3:

[دمعة لاجئة]

يعلييييييي ولله حادث قوي
يالله الحمد الله على سلامتك وما تشوفي شر
وجعلها اكبر المصايب
الحمد لله على سلامتك مرة تاينة يا عسل:(

[Shine angel]

:3::3::3: مسكينة يعني انتي ما الك خص ما بيفهم هاد موشايف سيارة

طول بعرض اعدة بتصف واحد ما بيفهم :3135-image::3135-image:

الله يجيرنا يارب ما يصير معك هيك مرة تاانية لا انتي ولا كل الناس :pray:

بس مع هاد تبع اللاند كروزر :):) تلائي مش شاايف الي اداموا كاين والا ماخلوا شمة هووروين ض9ض9

والله الحمدلله عسلامتك جد انا بخاف من هالحوادث بموت رعب

عشان هيك بس اسوء حمشي عال20 بس ض9

أخدني معو هههههههههه
اللحمد لله عسالمتك والله >>>>>>يامامي :3:

ههههههههههههههههههههههه ال هوروين ض9
ولك شو تسوقي 20 وما 20 اصلا هدول الي بعملو حوادس اكتر شي ض9
انا واقفه وما بمشي نطرئت وعملت حادس فما بالك لو كنت ماشيه ض9
الله يسلمك يا عسوله والله انك زوء

[Shine angel]

يعلييييييي ولله حادث قوي
يالله الحمد الله على سلامتك وما تشوفي شر
وجعلها اكبر المصايب
الحمد لله على سلامتك مرة تاينة يا عسل:(


حبيبتي دمعه والله انك عسوله وزوء
الله يسلملي عمرك يارب ويخليكي
شكرا كتير يا زوء

[lola]

امنيح ما كنا معك يا شاين بالطلعة الي اطلعتيها ض9 كنا رحنا فيها ض9 آل بتزبطلنا طلعات الست و بتسويلنا حادث :mad:

يلا امنيح مروحتي فيها الله ستر

[Shine angel]

انا ما خصني الحق على المسطول الي وراي ض9
انا بريئه ما صدقت تمسك علي ممسك ست لولا

[قوت القلوب]

ياهلا شاين ..

منورة والله ..

يلا نفوت عالاسئلة عالسريع ..

بسم الله بلشنا ::

1- شو هيي اكلتك المفضلة ؟

2- أكتر موقف مضحك مر عليك ؟؟

3- لمن تكوني زعلانة شو بتعملي ؟؟

4- دولة حابة انك تزوريها ؟؟

5- همسة عتاب لمين بتوجهيها ؟؟

شو بيعنيلك كل من ::

القمر / الشمس / النجوم / البحر / الغيوم / ؟؟

6- مين من الناس بيحتمل المساحة الأكبر من قلبك ؟؟

7- لمين بتهدي هاي الغاني ::

* قلب وراح ..

* حياة الروح ..

* نسيانك صعب اكيد ..

* هات البي وروح ..

* انت الحب الكبير .

* الأماكن ..

* أصاحب مين ..

* يابعد هالدنيا ليه ..

8- تلات امنيات حابة انهم يتحققوا ؟؟

9- شو اكتر اكلة بتحبيها ؟؟

10- مين اكتر شخص بنفكري فيه ؟؟

وإلي رجعة طبعا ً ..

[Shine angel]

هلا والله يقوت منوره
نفوت عالاجوبه


1- شو هيي اكلتك المفضلة ؟

مسخن.. مفتول .. بيتزا ... لازانيا

2- أكتر موقف مضحك مر عليك ؟؟

صراحه مو خاطر ببالي هلاء لانو دايما بسير معي مواقف بس مش هالقد بتضحك

3- لمن تكوني زعلانة شو بتعملي ؟؟

بحب اعد لحالي وابكي

4- دولة حابة انك تزوريها ؟؟

تركيا

5- همسة عتاب لمين بتوجهيها ؟؟

لشخص كان عزيز علي

شو بيعنيلك كل من ::

القمر / الشمس / النجوم / البحر / الغيوم / ؟؟
القمر: الهدوء والسكون
الشمس: نهار ويوم جديد
النجوم:الضو الخافت المكمل للقمر
البحر:كمان الهدوء والرومانسيه

6- مين من الناس بيحتمل المساحة الأكبر من قلبك ؟؟

اهلي طبعا

7- لمين بتهدي هاي الغاني ::

* قلب وراح . لهل الشخص الي كان عزيز علي

* حياة الروح ..حاليا ولا لحد

* نسيانك صعب اكيد ..للي حبيتو

* هات البي وروح .. كمان هوه نفسو

* انت الحب الكبير .حاليا ما في حد

* الأماكن .. ولا لحد

* أصاحب مين ..صراحه عمري ما سمعتها

* يابعد هالدنيا ليه ..لحبيبي المستقبلي

8- تلات امنيات حابة انهم يتحققوا ؟؟

اول شي اتخرررج بوقت تخرجي من دون تاخير
تانيا اشتغل بعمل مناسب
تالتا اقدر اساعد اهلي واعيشهم بالمستقبل يعني اردلهم شوي من الجميل الي بقدمولي ياه

9- شو اكتر اكلة بتحبيها ؟؟
جاوبتو هالسؤال فوق

10- مين اكتر شخص بنفكري فيه ؟؟
صراحه كل يوم انسان معين لانو حاليا ما بحب لو بحب اكيد رح ضل فكر بالي بحبو بس هلاء اي حد بعمل معي موقف بضل افكر فيو


يسلموووو عسوله عالاسئله الحلوه والخفيفه

[نكشة راس]

يا هلا والله ست روني منورة الكرسي
ويا ريت اكون ضيف خفيف عليك
وببداها كالعادة ...

أعطركِ مصنوعٌُ أم من أنفآسك
تستمدين عطـرك ...!؟
تبددت الابتسآمة من مُحيآهآ
فسدلَ ستار خجل التُفآح عن أطرآف
وجههآ الحسيـن ...!!
تآبعنآ حديثنآ بصمت ..متنآغمين
على عزف أموآج البحر .. تُخبرني وأخبرهآ
عن مدى جمال اسئلتي ض9
تفضلي الاسئلة ...




. هل تجيدين الطبخ؟


2. ألديكِ نظريات شخصية حول تربية الأولاد ؟



3. هل تهتمين بمكياجك عند الخروج من البيت ؟



4. اعرف انك تحبين والديك لكن من تحبين اكثر اباك ام امك ؟ ؟



5. أتحبين الكلام مع صديقاتك عن مغامراتك الغرامية ؟

7. أتعتقدين أن الخيانة الزوجية تقضي على الزواج ؟



8. أتخافين العزلة والظلمه ؟



9. أتحتاجين دائماً إلى مظاهر خارجية من العطف و الحب ؟



10. أتهتمين كثيراً برأي الآخرين ؟



11. أتشعرين أحياناً بأنك مذنبة دون أن تعرفي لماذا بالضبط ؟



12. أتشعرين بحاجة ماسة لأن تحاطين بالعطف ؟



13. أتحبين أن تكوني ( بين الجماعة ) ممن لا يُستغنى عنهم اقصد
ان تكوني دائما برفقة صديقاتك ( لطق الحنك) ؟



14. هل لديكِ الكثير من ذكريات الطفولة ؟


15. أتؤمنين بالقضاء والقدر ؟

16. هل يزعجك احد بالمنتديات ؟

17. أتحبين السفر دون مرافق من اهلك؟
18.في أي سن تفضلي أن تتزوجين ؟ ولماذا
واخيراً رأيك بنكشة راس بصراحه
واختمها كالعادة ..
الأن عدت و أنا قلت أنك نسيتني لأني أخر الهم

و ر أيتك صدفة بين الحشود و لكنك لم تدركني

لأني كنت في أخر الطريق

في تلك اللحظة إنتعش عقلي بعد أن كان يبحث عنك

تجلس على هذا الكرسي ض9

تمنياتي لك مزيدا من التقدم و النجاح

تقبلي حضوري

نكشة راس

[Shine angel]

يا اهلا والله بنكشه نورت
وين هالغيبه كنت بستنى اسئلتك الي محضرهم من سنه ض9
ويسلمو على المقدمه الحلوه والزووء
نبلش في الاجوبه




. هل تجيدين الطبخ؟

صراحه لا مش كتير بس بعمل اشياء خفيفه

2. ألديكِ نظريات شخصية حول تربية الأولاد ؟

لسا بدري على الاطفال وما اطفال


3. هل تهتمين بمكياجك عند الخروج من البيت ؟

يعني هيك شي لما اطلع طلعه مع صاحباتي على كافيه او شي بحط مكياج بس انو بحر وهيك شغلات لا بس ممكن احط كحله


4. اعرف انك تحبين والديك لكن من تحبين اكثر اباك ام امك ؟ ؟

الاتنين فضلهم على راسي والاتينين بحبهم والله يديمهم فوق راسي


5. أتحبين الكلام مع صديقاتك عن مغامراتك الغرامية ؟

مش مع صديقاتي مع صديقه وحده بس

7. أتعتقدين أن الخيانة الزوجية تقضي على الزواج ؟

اكيد شو ضل اكتر من انو زوج او زوجه تخون زوجها


8. أتخافين العزلة والظلمه ؟

بالعكس كتير بحب اعد لحالي وافكر واسرح


9. أتحتاجين دائماً إلى مظاهر خارجية من العطف و الحب ؟

ابدا

10. أتهتمين كثيراً برأي الآخرين ؟

لا ما بهمني ابدا



11. أتشعرين أحياناً بأنك مذنبة دون أن تعرفي لماذا بالضبط ؟

احيانا


12. أتشعرين بحاجة ماسة لأن تحاطين بالعطف ؟

لا مش ماسه بس ممكن مرات

13. أتحبين أن تكوني ( بين الجماعة ) ممن لا يُستغنى عنهم اقصد
ان تكوني دائما برفقة صديقاتك ( لطق الحنك) ؟

صراحه اه كتير بحب طق الحنك واظن انو كل النسوان بحبو هالشي ض9

14. هل لديكِ الكثير من ذكريات الطفولة ؟

يمكن انا الانسانه الوحيده الي ما بتزكر شي من طفولتي

15. أتؤمنين بالقضاء والقدر ؟

اه بامن فيه اكيد

16. هل يزعجك احد بالمنتديات ؟

لا ابدا المنتدى مشالله عليه حلو وكلهم زوء الي فيه

17. أتحبين السفر دون مرافق من اهلك؟

بحب بس عمري ما جربت عشان احكم

18.في أي سن تفضلي أن تتزوجين ؟ ولماذا

سن ال 23 وطالع عشان بكون تخرجت وبلشت اشتغل على الاقل سنه زمان
واخيراً رأيك بنكشة راس بصراحه

نكشه انسان زوء كتير ومحبوب والو دوور كتير كبير بالمنتدى بس يغيب متل هاليومين الو غابوهم منستفقدو ض9
يسلمووو كتير عالاسئله الحلوه والخفيفه
وشكرا كتير تحياتي

[بنت فلسطين]

استمتعنا بالفترة التي قضيناها معك عزيزتي ..

انتهت الفترة المحددة لجلوسك على كرسي الاعتراف ..

الموضوع مغلق ..