ضيفتنا لهذا الأسبوع على كرسي الاعتراف ..

[بنت فلسطين]

أحبتي إدارة .. أعضاء .. ومشرفين منتدى بنت فلسطين ,, الكرام ..


السلام عليكم ورحمة الله وبركاته ,,


أسعد الله أوقاتكم بكل الخير ..


يسرني اليوم في كرسي الاعتراف..


أن أجدد اللقاء مع ضيفتنا الجديدة..


ونكتشف معكم من خلال أسئلتكم ماتخفيه تلك الشخصية ...


ضيفتنا اليوم .. كلي ثقة أنها تستحق بجدارة الجلوس على الكرسي ..


تحمل الخير والمحبة للجميع .. شخصية جمعت أكثر الصفات الإنسانية جمالاً ..


فهي الهدوء والركازة .. وهي المرح والبساطة ..


استطاعت بأخلاقها وتعاملها الرائع مع الجميع أن تصل لقلوب أعضاء هذا المنتدى الرائع ..


شخصيه اتصفت بتواضعها وروعة حضورها في جميع أرجاء المنتدى ..


من أجل إثراء صفحات المنتدى بكل ماهو جديد ومفيد..


عضوة مميزة في مشاركاتها وتواجدها المميز ..


لن أطيل ..


وأترك لكم المجال ..


للكشف عن الجانب الذي لا نعرفه عن ضيفتنا الغالية ..



بنت النور ..


تفضلي بذكر بطاقتك الشخصية ..

[بنت النور]

ودى وتحيتى مع الشكر لكل كلمة ذكرتيها فى حقي يا بنت فلسطين ..

بطاقتي الشخصية ..

الاسم : بنت النور ،,، دندن

العمر : 19 سنة

المستوى التعليمي : جامعية

التخصص : علوم مالية ومصرفية

الهواية : التصميم ، التصوير

[قوت القلوب]

دندن عالكرسي هههههههههه

يا شماتي فيكي

يلااا جهزي حااالك

الي رجعة طبعا مع اسئلة رح تكرهيني فيها ض9

[بنت النور]

دندن عالكرسي هههههههههه

يا شماتي فيكي

يلااا جهزي حااالك

الي رجعة طبعا مع اسئلة رح تكرهيني فيها ض9


قووووت ديري بالك ..

ما بقدر أكرهك .. يعني بالراحة علي بالأسئلة :) :) :)

[بنت فلسطين]

عودة من جديد وفي جعبتي بعض الأسئلة ,,,


ماهي نقطة ضعفك ونقطة قوتك ؟؟!

ماهو موقفك من الحب ؟؟

هل جربتيه ؟؟

وهل تؤمنين به ؟؟

دمعة سقطت من عينك .. ما كان سببها ؟؟

عبرة .. ابتسامة .. نظرة شفقة ,, لمن تهديها ؟؟

ماهو تعريفك لكل من ::

المجنون ::

العاقل ::

المتكبر ::

المتواضع ::


هل أنت راضية عن نفسك ..؟

هل اللقب والاسلوب للعضو يدل على شيء من الواقع (( واقع العضو )) ؟

ما هو أكثر قسم مفضل لديكِ في منتديات بنت فلسطين ؟؟ ولماذا ؟؟

بيدكِ خمس وردات لمن تهديها من أعضاء المنتدى ؟؟

ماهو أكثر موقف شعرتِ به بالثقة الكاملة ؟؟

وأخيرا .. ماهي سلبيات بنت فلسطين وماهي إيجابيتها بكل صراحة ؟؟

[قوت القلوب]

رجعنا من جديد للأسئلة

يلا يا حلوة يا شطورة جاوبي وبدون غش ماتفكري حالك بالمدرسة يعني وترحي تسأليني شو اجاوب ههههههههه زي العنجد

بسم الله بلشنا ::

1- شو هيي اكلتك المفضلة ؟ بعرف انو كل شي بس بدي شغلة وحدة ؟؟

2- حكمتك بالحياة ؟؟

3- لمين بتعطي هالألقاب ::

* القلم الدهبي ..
* العضو المميز ..
* عضو مافي منو تنين ..
* عضو بتابعي كل مواضيعو ..

4- اكتر موقف مضحك ؟؟

5- لمن تكوني زعلانة شو بتعملي ؟؟

6- امنية حابة انها تتحقق ؟؟

7- دولة حابة انك تزوريها ؟؟

8- شو بتعنيلك الصداقة ؟؟

9- اكتر شي ندمتي عليه ؟؟

10- عضو حابة انك تطلبي منه طلب وشو الطلب ؟؟

واكيييييد الي رجعة

يلااا جاوبي عالسررررعة ..

[بنت النور]

ماهي نقطة ضعفك ونقطة قوتك ؟؟!

نقطة ضعفي : حساسة .. لما أشوف حد بيبكي بصير أبكي معاه ..
نقطة قوتي : الجرأة في الحق ..

ماهو موقفك من الحب ؟؟
هههههه شو دراني أناااا .. ما بعرف ..

بس بحسو شي فارط ما الو فايدة .. لأنو أغلب الناس اللي بتحب بتندم ..
يعني حسب الشخص وصدق مشاعره ..
ممكن يكون صادق وممكن يكون خاين ..


هل جربتيه ؟؟
لا

وهل تؤمنين به ؟؟
مش بكل الأوقات .. حسب الشخص وصدقه ..

دمعة سقطت من عينك .. ما كان سببها ؟؟
كتير كتير .. لأسباب عادية وأسباب بتستاهل
وأكتر شي حسيت فيهم إنو مش قادرة أمسك نفسي من البكى لما شفت بابا بيدمع وهو بيودع أختي الكبيرة قبل السفر قبل 5 سنين ..
ولما شفت بابا بيدمع لما توفى جدي لأنو كان نفسو ينزل غزة يشوف سيدو وحاول سنتين متواصلتين ينزل بس ما كان في مجال عشان المعابر المغلقة :3135-image: :3135-image:

( لولو لو عددت الأسباب مش حخلص من اليوم لسنة .. بيكفي هدول :) :) :) )


عبرة .. ابتسامة .. نظرة شفقة ,, لمن تهديها ؟؟

ابتسامة .. لجميع الناااااس ..

نظرة شفقة .. للفقراء والمساكين ..

ماهو تعريفك لكل من ::

المجنون :: هو الشخص اللي بيعمل أفعال غير منطقيه و يتكلم كلام غير منطقى ..

العاقل :: عكس المجنون هههههه >> نظرية جديدة <<

المتكبر :: التكبر داء يصيب صاحبه بالعجب ورأية نفسه فقط ولا يرا الناس وهو بطر الحق وغمط الناس ..

المتواضع :: هو من يعرف الحق فيتبعه ويعرف الباطل فيتركه، إذا ركب الناس مركب النفاق ترجل ، وإذا سار الناس في طريق الباطل توقف ..

هل أنت راضية عن نفسك ..؟
مش كتير .. يعني في بعض الأمور لازم أغير نفسي للأحسن ..

هل اللقب والاسلوب للعضو يدل على شيء من الواقع (( واقع العضو )) ؟
لاااا ... لأنو في كتير أعضاء بيتصنعو ..

ما هو أكثر قسم مفضل لديكِ في منتديات بنت فلسطين ؟؟ ولماذا ؟؟
قسم الاعترافات >>> لأنو في مواضيع بتكشف شخصية العضو .. ومن خلال المواضيع والأسئلة اللي بتحتويها بنتعرف على بعض بصورة أوضح ..

بيدكِ خمس وردات لمن تهديها من أعضاء المنتدى ؟؟
للحبايب :952-image: :952-image:
صمود غانم .. :952-image:
طوق الياسمين .. :952-image:
بنت فلسطين .. :952-image:
قوت القلوب .. :952-image:
رندلي ..:952-image:

ماهو أكثر موقف شعرتِ به بالثقة الكاملة ؟؟
أكتر اكتر موقف صار معي زمان في المدرسة بآخر سنة .. كنت مظلومة من بنت مصرية :3135-image:
بس واجهتها قدام المعلمات وسكتتها واعترفت بغلطها تجاهي .. :3163-image: :3163-image: :3163-image:

وأخيرا .. ماهي سلبيات بنت فلسطين وماهي إيجابيتها بكل صراحة ؟؟
سلبياتك .. عنيدة ،، بتستعجلي في اتخاذ القرار ..
إيجابياتك .. عاقلة ،، رزينة ،، واقعية ..

طااااانكيو لولو على الأسئلة

[نكشة راس]

1_ هل انت تفعل ما تقوله هنا بالمنتدى ؟

2_ اعتذار تريد ان تقدمه لمن؟

3_ ما ردة فعلك عندما يقول لك حبيبك : أحبك نعم أتزوجك لا ؟

4_ ماذا ستكتب لنا لتعبر عن حياتك التي عشتها الى الان في كلمات قليله ؟

5_ اذا اردت ان تبكي الان فعلى من تبكي؟

6_ من ستختار ليمسح دموعك ؟

7_لو خيروك بين حبيبك وبين اعز صديق فمن تختار ؟

8_ماهو تقييمك لهذا المنتدى بصراحه ؟

9_ من يسكن قلبك؟

10_ هل تعتقد ان حظك سيئ؟
دمتي بود بنت النور
نكشة راس

[بنت النور]

1- شو هيي اكلتك المفضلة ؟ بعرف انو كل شي بس بدي شغلة وحدة ؟؟
المفتول

2- حكمتك بالحياة ؟؟
عامل الناس بمثل ماتحب أن يعاملوك به ،,،


3- لمين بتعطي هالألقاب ::
* القلم الدهبي .. بنت فلسطين
* العضو المميز .. قوت القلوب
* عضو مافي منو تنين .. فلسطيني حـر
* عضو بتابعي كل مواضيعو .. نكشة راس

4- اكتر موقف مضحك ؟؟
كتير المواقف المضحكة ,،, ما بتخلص ..
آخر موقف عملتو في خواتي دخلت عليهم غرفتهم والدنيا فجر بكل هدوء وكنت ماسكة فرشاية الملابس ..
وصرت أحطها على كعب رجليهم ولمستهم .. وقلتلهم قنفذ في غرفتكم وصدقوني .. صارو يدورو عليه عنجد ..
ما بينت إلهم إني بكزب عليهم .. بعد يومين قلتلهم إنو أنا القنفذ اللي كنتو تدورو عليه ض9

والمواااااقف كتيييييرة ،,، من كترها بنساها ..


5- لمن تكوني زعلانة شو بتعملي ؟؟
أول خطوة بعصب بالحامي ،، بعدين بدخل غرفتي وبسكر الباب بالمفتاح وبصير أعيط وأكلم نفسي ..
وإزا حد خبط على الباب بعصب وبصرخ عليه .. ومرات بطنشهم .. ولا كإنو حد بيخبط ..
عشان بكون بعالم تاني خاص .. بفتح لابتوبي على النت وما بسأل بالدنيا .. بس !!

6- امنية حابة انها تتحقق ؟؟
رضا الله والوالدين .. أجيب معدل عالي في الجامعة .. وإنو الله ييسر لي طريقي في الدراسة ..


7- دولة حابة انك تزوريها ؟؟
كندا :3135-image: :3135-image:

8- شو بتعنيلك الصداقة ؟؟
نبراس الوجود
وهي نبع مقدس ترتوي منه النفوس الجميلة ، وتعبير عن حاجتنا لإنسان يفهمنا نرتاح إليه ..


9- اكتر شي ندمتي عليه ؟؟
:1193-image:

:1193-image:
مش عارفة . ما بندم على شي ..
يعني لليوم ما حسيت إني عملت شي كبير ومستاهل الندم ..


10- عضو حابة انك تطلبي منه طلب وشو الطلب ؟؟
بطلب من الجمييييع .. إنهم يبذلو جهدهم في رقي المنتدى ..

طااااانكيوووو قوت القلوب على الأسئلة الممتعة ..

[بنت النور]

1_ هل انت تفعل ما تقوله هنا بالمنتدى ؟
أكيد .. كل شي بقولو بالمنتدى بكون حقيقة .. وبعمله وبنفذه ..

2_ اعتذار تريد ان تقدمه لمن؟
ممم ،,، كل إنسان أخطأت بحقه ..

3_ ما ردة فعلك عندما يقول لك حبيبك : أحبك نعم أتزوجك لا ؟
يعني أنا ما بؤمن بالحب .. وإزا يعني صار هيك موقف بحكيلو عادي كل شي قسمه ونصيب في الحياة ..


4_ ماذا ستكتب لنا لتعبر عن حياتك التي عشتها الى الان في كلمات قليله ؟
الحياة رحلة طويلة .. تربية وعطاء وتضحية ،، تعلمت منها كتير من تجارب الآخرين ..
عموما هي حياة عادية ..

5_ اذا اردت ان تبكي الان فعلى من تبكي؟
على أختي ..

6_ من ستختار ليمسح دموعك ؟
أختي الأكبر مني ..

7_لو خيروك بين حبيبك وبين اعز صديق فمن تختار ؟
أعز الأصدقاء لأن الحب هالأيام أصبح نادر وممكن ينتهي بغلطه ونخسره بلحظه


8_ماهو تقييمك لهذا المنتدى بصراحه ؟
هو صحيح في بدايته .. بس بصراحة ناجح من البداية .. يعني تقييمي له بالدرجة المتوسطة ..

9_ من يسكن قلبك؟
كل الحبايب اللي تعرفت عليهم في الدنيا .. وما زلت متواصلة معاهم لليوم ..

10_ هل تعتقد ان حظك سيئ؟
لا أبدا .. كتير حظي حلو بالحياة ...


طااااانكيوووو نكشة راس .. استمتعت بالأسئلة ..

[بنت فلسطين]

بيدكِ خمس وردات لمن تهديها من أعضاء المنتدى ؟؟
للحبايب
صمود غانم ..
طوق الياسمين ..
بنت فلسطين ..
قوت القلوب ..
رندلي ..


فديتك يا دندن والله ورود الكون شوي عليكي

[قوت القلوب]

هههههههههههههه

ولي دندن مااعرفتك

شو هالأجوبة المنطقية هاي :D

ويسلموو عالوردة الحلوة زيك .. هيك احرجتي تواضعي هههههه زي العنجد ..

يلااا بكرة جااييتك مع شوية اسئلة .. :hala:

[بنت النور]

:952-image: :952-image: :952-image:

:952-image: :952-image:

:952-image:


بنت فلسطين أحرجتيني بزيادة ..

قوت القلوب .. أي ورة :1193-image: .. ؟!

بتنوري قوووت .. حياكِ الله بأي وقت ..

[قوت القلوب]

هههههههههههههههه

عديها طيب ورة = وردة :2303-image:

بعدين انا كاتبيتها صح والله :3:

نرجع للأسئلة

خلص بكفي ضحك

بلشنا بالجد

هاي شيبس لتتسلي وانتي بتجاوبي بالأسئلة وماتتعبي ..

http://www.hipernet24.pl/sklep/img_items/b/050/5024.jpg
* شو رايك بالأعضاء التاليين :: قوت القلوب / دمعة لاجئة / فلـسطيني حر / بنت فلسطين / شاين / صمود / نكشة / مرووم / محب السنة / امير الغرام وبس الباقيين للمرة الجاية لسا فيها مراات ض9ض9

* شو بيعنيلك كل من :: البحر / النجوم / الشمس / القمر / الورد ..

* أهم صفاتك ؟

* اكتر موضوع عجبك بالمتدى ؟؟

* شو بيعنيلك الوطن ؟؟

* اعطي لنفسك نسبة مئوية لكل من ::

ذكائك .. طبعا اكيد واحد % هههههههههه

سعادتك ..

حزنك ..

عصبيتك ..

عنادك ..

هبلك ..ض9

خبرتك بالحياة ..

التشاؤم ..

التفاؤل ..

* لو عندك تلات رصاصات مين بتقتلي فيهم ؟؟

* بتحبي الوحدة ؟؟

* " من السهل على الإنسان أن ينسى نفسه , لكن من الصعب عليه أن ينسى نفساً سكنت نفسه "

شو رأيك بالحكة هاي ؟ وبتشوفيها صحيحة ؟؟

* قلبك من يسع ؟؟

وبكفي لهلا بسس مش بِس هههههههههههههه

يلااا جاوبي دندون عالسررعة ..

[بنت النور]

هاي شيبس لتتسلي وانتي بتجاوبي بالأسئلة وماتتعبي ..


http://www.hipernet24.pl/sklep/img_items/b/050/5024.jpg



يسسسلموووو

والله ما كان إلو داعي الشيبس .. خجلتيني بكرمك .. ض9

رح أتسلى بالشيبس اليوم وأرد على كم سؤال ,, والباقي لبكرة ..

[بنت النور]

شو رايك بالأعضاء التاليين ::

قوت القلوب :: فديييتهاااا ,،, بعتبرها أختي .. مرحة داخل المنتدى وخارج المنتدى .. بتموتني من الضحك على المسن أو لما نطلع مع بعض .. الحياة بدونها سلطة ض9

دمعة لاجئة :: مشرفة مميزة بمواضيعها .. بعجبني أسلوبها بالرد .. ودمها خفيف وبنفس الوقت عاااقلة ورااااكزة ..

فلـسطيني حر :: مدير نااااجح ... محترم .. طموح .. الله يحقق له طموحاته .. مبدع .. وله خيال واااسع ..

بنت فلسطين :: فديييتهاااا ,،, بعتبرها أختي .. طيوبة ومحبوبة من الجميع ... والقعدة معها لا تمل أبدااا .. ضحك ومزح وتحشيش .. ض9

شاين :: محبوبة من الجميع .. ودماتها خفاف .. بتحب تأرجل مع مروووم ض9 .. مميزة بمواضيعها ونشيطة بقسمها ..

صمود :: فديييتهاااا ,،, قلبها أبيض وبتحب الخير للكل .. حنونة على الجميع .. القعدة معاها ممتعة وحلوة كتير ..

نكشة :: عضو نشيط كتير .. وبيستاهل منصب نائب المدير لتواجده الدائم .. ومميز في طرح المواضيع الممتعة ..

مرووم :: بنوتة هادية .. محبوبة من الجميع .. ومرحة ... بتحب تأرجل مع شاااين ض9 .. ووجودها مهم في المنتدى ..

محب السنة :: عضو عاقل وبيلفت نظري بردوده ..

امير الغرام :: ما تعاملت معاه .. بس بحس إنو شخص هادي بيحب الرومانسية ض9



وبس الباقيين للمرة الجاية لسا فيها مراات

خلصو الأعضاء اللي تعاملت معاهم في المنتدى في حد لسة ؟؟ :1193-image: :1193-image:


بااااقي الأسئلة بجاوب عليها بعدين .. :952-image::952-image:

[بنت النور]

* شو بيعنيلك كل من ::

البحر : مرمى للأحزان .. ركوب أمواجه متعة .. و تأمل عظمته يدلنا على عظمة خالقه ..

النجوم : نور خافت يشعرك بالسكون والصخب في آن واحد ..

الشمس : بداية صباح جديد .. حياة جديدة يومية ..

القمر : نور الليل وجمال الحياة ..

الورد : صديق ودود يتقرب منا بعطره ويمتع أعيننا ..


* أهم صفاتك ؟
الخجل .. الهدوء .. الجرأة .. المرح ..

* اكتر موضوع عجبك بالمنتدى ؟؟
موضوع ملاذ العشاق لبنت فلسطين ..


* شو بيعنيلك الوطن ؟؟
الوطن هو عشق هوائها و ترابها ، رمز الافتخار والاعتزاز ..
الوطن الروح التي تنبض بالحب ..


* اعطي لنفسك نسبة مئوية لكل من ::

ذكائك .. طبعا اكيد واحد % هههههههههه

الله يسامحك ههههههه كان خليتي 0 % .. انتي لو سألتي عن استيعابي ممكن أقول 1 %

أنا ذكية طيب وبحط 80 %

سعادتك ..
75%


حزنك ..
25 %


عصبيتك ..
100%


عنادك ..
95%


هبلك ..
يقطع شرك ..


خبرتك بالحياة ..
75 %


التشاؤم ..
50%


التفاؤل ..
50%


* لو عندك تلات رصاصات مين بتقتلي فيهم ؟؟

الظلم ،,، الخيانة ،,، النفاق ،,،


* بتحبي الوحدة ؟؟

يعني نااااااااااادر مش بكل الأوقات .. حسب حالتي النفسية .. إزا كنت معصبة أو زعلانة ..


* " من السهل على الإنسان أن ينسى نفسه , لكن من الصعب عليه أن ينسى نفساً سكنت نفسه "

شو رأيك بالحكة هاي ؟ وبتشوفيها صحيحة ؟؟

الحكة هاي وجعتني بصراحة .. ض9 ض9
ما عجبتني الحكمة .. هههههه .. وأصلا أهبل اللي حطها .. المفروض تكون مقولة مش حكمة ..
لأنو ممكن الإنسان يحب ويعشق وبالأخير يكره وتوصل الدرجة للحقد .. فهيك حينسى النفس اللي سكنت نفسه ..


* قلبك من يسع ؟؟
كل من تعرفت عليه قلبه أبيض لا يحمل أي حقد أو كراهية على أي إنسان .. وكل شخص أحببته وأحبني في الدنيا ..


طاااااانكيو مرة تانية قوت على الأسئلة الممتعة ..

[قوت القلوب]

* " من السهل على الإنسان أن ينسى نفسه , لكن من الصعب عليه أن ينسى نفساً سكنت نفسه "

شو رأيك بالحكة هاي ؟ وبتشوفيها صحيحة ؟؟

الحكة هاي وجعتني بصراحة ..
ما عجبتني الحكمة .. هههههه .. وأصلا أهبل اللي حطها .. المفروض تكون مقولة مش حكمة ..
لأنو ممكن الإنسان يحب ويعشق وبالأخير يكره وتوصل الدرجة للحقد .. فهيك حينسى النفس اللي سكنت نفسه ..

هههههههههههههههههههههههههه يا دبببببببببة

ضحكتيني والله ..

صح انا بأيد كلامك بصراحة ..

احط كمان اسئلة ولا رح آكل كتلة المرة هاي :1193-image:ض9

[بنت النور]

كتلة ؟؟ :596-image: :596-image:

هههههه على راحتك قووت ..

شوفي اللي بريحك واعمليه ..

إزا في بخاطرك أي سؤال اسألي لا تستحي ض9

بس إزا رجعتي يا حبذا لو بترجعي بكيس فيه شوكولاتات .. للتسلاية ..

[بنت فلسطين]

أسبوع من أكثر الأسابيع تميزا ..

سعدنا بأجوبتك بنت النور ..

شكرا لك

الموضوع مغلق