قوتـ القلوب .... ضيفتنا على كرسي الأعتراف

[فلسطيني حر]

ضيفنا لهذا الاسبوع


ضيفه مميزه

امتلكت قلوبنا بأسلوبها الرائع

نشيطه ومميزه في كل شيء ...

لها الكثير من المشاركات في مختلف ارجاء المنتدى

انها

الرائعه


قوت القلوب

اهلا وسهلا فيكي ... ونرجو من جميع الأعضاء المشاركه ..




ملاحظه : يمنع وضع اكثر من 10 اسئله

[فلسطيني حر]

انا رح ابلش بأسئلتي عسوووله ... ^_^

1- من هي قوت القلوب.....(اوصفي حالك بكلمتين)

2- عمرك يئستي؟

3- شو اجمل تجربة عشتيها و بتتمني تتكرر؟؟؟

4- شو بلدك المفضل؟

5- حكمتك في الحياه؟؟

6- مين قدوتك؟

7- ايمتا قوت القلوب بتبكي؟

8- شو امنياتك .. ( وما تحكيلي كتير ... عددي كم وحده )

9- و شو الحلم اللي انتي تمنيتيه يصير و ما تحقق....

10- لما تكوني متدايقه ..... شو بتعملي و هون سؤالي اوضحووو انو ( بتروحي بتشكي لحد, بتكتبي ......)

[قوت القلوب]

يسلمو فلسطيني حر للكلام اللي حكيتو قبل .. بصراحة كتير علي ..

وان شاءالله بكون عند حسن ظنكم دايما ً ..



انا رح ابلش بأسئلتي عسوووله ... ^_^

1- من هي قوت القلوب.....(اوصفي حالك بكلمتين)

طويلة وهبلة ض9

2- عمرك يئستي؟

اه بصراحة بس رجعت لحالتي الطبيعية .. يعني كانت فترة معينة لانو مش دايما بيئس ..

3- شو اجمل تجربة عشتيها و بتتمني تتكرر؟؟؟

اجمل تجربة .. كانت قبل سنتين ايام المدرسة لمن رحنا رحلة على منطقة اسمها العين هيي المفروض الرحلة لبنات العلمي بس انا والشلة
حشرنا حالنا وطلعنا معهم .. وكانت اول رحلة وآخر رحلة بنروحها لانو عالتوجيهي انمنعنا من الرحلات :3:.. يعني كنت حابة انها تتكرر بس للاسف ماودونا ..

4- شو بلدك المفضل؟

طبعا فلسطين شي طبيعي .. بس بحب فرنسا كتير كتير .. واكيد الامارات لاني انولدت فيها وعشت كل عمري فيها ..

5- حكمتك في الحياه؟؟

لاتؤجل عمل اليوم للغد ..

6- مين قدوتك؟

اكيد نبينا الكريم محمد .. ومن بعده اهلي ..

7- ايمتا قوت القلوب بتبكي؟

انا كتير ببكي بس مابحب حدا يشوفني وانا ببكي لهيك ماعمرو حدا انتبهلي اني ببكي .. بس ببكي عنجد وبحرقة لمن اكون مظلومة ومابقدر اتصرف ..

8- شو امنياتك .. ( وما تحكيلي كتير ... عددي كم وحده )

امنيتي الوحيدة اني اكون صحافية ..

9- و شو الحلم اللي انتي تمنيتيه يصير و ما تحقق....

اني اكون صحافية .. للاسف ماتحقق ومش راح يتحقق :3:

10- لما تكوني متدايقه ..... شو بتعملي و هون سؤالي اوضحووو انو ( بتروحي بتشكي لحد, بتكتبي ......)

لمن اكون متدايقة ببكي وبصلي ومابحكي لحدا .. خلص شغلة بتخصني بخليها بداخلي مابحب حدا يعرفها ..






يعطيك العافية فلسطيني حر عالاسئلة الحلوة ..

[انا فلسطينية]

لما اجيت اسالك قلتيلي انا هيني عند اساليني فيس تو فيس
بس لا ما بسير لازم على الملأ
احم احم
1.شو اكتر اكلة بتحبيها بما انك بتحبي الاكل ويا ريته امبين عليكي؟
2.شو اللي بتفكري فيه بهاللحظة وبسرعة؟
3.شو بتعنيلك كلمة(ماما, وبابا,اخواني وخواتي)
4.وين اكتر مكان رحته وانبسطتي فيه كتير وما بتنسي هالمكان؟
5.شو بتعنيلك كلمة(صديق,قمر,بحر)؟
6.مين حدا بعيد عنك ونفسك تشوفيه من زمان ما شفتيه؟
7.شو اكتر قسم بتحبيه وشو رأيك بالاعضاء(فلسطيني حر,دمعة لاجئة,صمود,ابن جبل النار،شموخي يكسرك)؟
8.شو الشي اللي ناقصك بحياتك ونفسك يكون معك وبتملكيه الك شخصيا (شي مادي يعني)؟
بكفي هيك اليوم بكرة بنكمل
خخخخخخخخخخخخخخخخخخخخخخ يلا جاوبي يا حلوة

[قوت القلوب]

لما اجيت اسالك قلتيلي انا هيني عند اساليني فيس تو فيس
بس لا ما بسير لازم على الملأ

هههههههههههههه الله يسامحك بس ..

احم احم
1.شو اكتر اكلة بتحبيها بما انك بتحبي الاكل ويا ريته امبين عليكي؟

ض9 اكتر اكلة بحبها المنسف وبحب الكبة وبحب الملوخية والبامية وعدس ممم وفي كمان شغلات بس هدول اكتر شي ..

2.شو اللي بتفكري فيه بهاللحظة وبسرعة؟

البحر والله ..

3.شو بتعنيلك كلمة(ماما, وبابا,اخواني وخواتي)

ههههههههههههههه انت جيبي ريما واساليها شو يعني ماما واللي بتحكيلك اياه انا نفسو ..

ماما مابتعنيلي كلمة او كلمتين .. اغلى شي بحياتي لو بعطيها عمري بضل مقصرة والله .. فديتها الله يطول بعمرها ويعطيها الصحة والعافية ..

بابا .. قدوتي بالحياة وطلباته مستجابة طبعا ازا راضية او لا ض9 الله يعطيه الصحة والعافية .. وعلى مااتوقع انو اقوى شخصية بعد صدام حسين مهو كان بحبه كتير ..

اخواني .. السند طبعا ً .. الله يبارك فيهم ....

وخواتي .. مخلولات ومهويات هههههههه لا بس بحبكم كتير واكيد منكم بستفيد بكتير شغلات بما انكم اكبر مني :952-image:

4.وين اكتر مكان رحته وانبسطتي فيه كتير وما بتنسي هالمكان؟

مش عارفة يعني من كتر مابطلع بطلت اعرف شو احكي ض9:952-image: لانو طلعاتي قليلة كتير بصراحة يعني اكتر مكان بحبه البحر بس لمن مايكون في عليه ناس ..

5.شو بتعنيلك كلمة(صديق,قمر,بحر)؟

صديق .. قصدك صديقتي وليس صديق :3135-image::3135-image: ..صديقتي كتير غالية علي ونفسي اشوفها وبتعنيلي كتير هاي الكلمة ..

قمر .. كتير بحب القمر وبيعنيلي يعني انا بالنسبة الي هيك بشوفو انو هادي وطيوب وحلو وبكون منور بالسما دايما ً ..

البحر كتيييير بحبو هالمكان بس مايكون في ناس عليه .. يعني اروح انا لحالي وازا بتحبي تيجي معي اهلا وسهلا يعني كإنو رح اروح لحالي عليه هههههههه خيالي واسع ...

6.مين حدا بعيد عنك ونفسك تشوفيه من زمان ما شفتيه؟

اختي الغالية بفلسطين .. نفسي اشوفها 8 سنين وماشفتها والله اشتقتلها كتير كتير ..

7.شو اكتر قسم بتحبيه وشو رأيك بالاعضاء(فلسطيني حر,دمعة لاجئة,صمود,ابن جبل النار،شموخي يكسرك)؟

فلسـطيني حر : قلبه طيب , ودماته خفاف وماشاءالله عليه مخه نضيف ..
دمعة لاجئة : كمان حبابة واموردة وعندها بعض الغموض .. يعني مش واضحة مرات ..
صمود : اختي الكبيرة وبحبها كتيير وبتعنيلي كتيير لانو انا عشت معها فترة قبل ماتتزوج كانت تحسسني انها مكان ماما وانا بصراحة كنت احكيلها كل شي بصير معي ومرة صحت علي صوص كنت انا نايمة وبحلم هههههههه ليلة عيد ميلادي من 6 سنين تقريبا وانا بحكيلها اعمليلي منسف وحطيلي فيه شمع عأساس هوة الكيكة يعني ههههههههه ..
ابن جبل النار : ماشاءلله عنو مواضيعو حلوة بالمنتدى .. وبشوف انو واعي وبيعرف يتصرف ..
شموخي .. مخلولة البنت هاي ومهوية كتير ههههه وبحبها كتير .. الله يوفقك يارب بامتحانك ..
8.شو الشي اللي ناقصك بحياتك ونفسك يكون معك وبتملكيه الك شخصيا (شي مادي يعني)؟

لا الحمدالله بصراحة مافي شي ناقصني يعني انا مقتنعة بحياتي هيك .. بس ازا في نقص اكيد اني التزم بالصلاة اكتر ..

بكفي هيك اليوم بكرة بنكمل
خخخخخخخخخخخخخخخخخخخخخخ يلا جاوبي يا حلوة

ههههههههههههههههه

يعطيكِ العافية صوص تعبتي بالأسئلة .. واهلا وسهلا فيكي باي وقت ..

[بنت النور]

شو هاااااد .. .

عنجد قوت ع الكرسي :3163-image: :3163-image:

مش حسألك اليوم ..

بس أنا بدي اياكي ترتاحي شوي ع الكرسي ..

قوووت راجعتلك بس أحوش كم سؤال ..

راااااجعة خيتووو .. رااااجعة ...

[بنت فلسطين]

أهلا وسهلا قوت القلوب ..

منورة الكرسي ..

كم سؤال أحملهم في جعبتي وأتمنى أن أرى إجاباتك بكل صراحة ..

تفضلي الأسئلة ..


1) لماذا اخترتِ هذا اللقب ؟ وماذا يعني لك ؟

2) بمَ تصفين كل من :

فلسطني حر:

بنت فلسطين:

نكشة راس :

صمود غانم :

بنت النور :

3) كيف هي قوت القلوب خارج المنتدى وكيف هي في المنتدى ؟ (( نفسيتك مزاجك ))

4) هل اللقب والاسلوب للعضو يدل على شيء من الواقع (( واقع العضو )) ؟

5) عبري بكلمة واحدة عن الكلمات التالية ..

القهر :

الحزن :

النسيان :

الحقد :

الحق :

الأم :

الطفل :

البحر :

الغيوم :

القمر :

الظلم :

6) ما هو أكثر قسم مفضل لديكِ في منتديات بنت فلسطين ؟؟ ولماذا ؟؟

7) برأيك ماهو سر نجاح أي منتدى كان ؟؟

8) بيدكِ خمس وردات لمن تهديها من أعضاء المنتدى ؟؟

9) ماهو أكثر موقف شعرتِ به بالثقة الكاملة ؟؟

10) ماهي سلبيات بنت فلسطين وماهي إيجابيتها بكل صراحة ؟؟

[قوت القلوب]

شو هاااااد .. .

عنجد قوت ع الكرسي :3163-image: :3163-image:

مش حسألك اليوم ..

بس أنا بدي اياكي ترتاحي شوي ع الكرسي ..

قوووت راجعتلك بس أحوش كم سؤال ..

راااااجعة خيتووو .. رااااجعة ...



هههههههههه

يختي علي شو حنونة ..:952-image:

انا بالنسبة الي مرتاحة اخر راحة .. بس المرة الجاي بيتجي ومعك شوية شوكولاتات لارتاح اكتر :952-image:

اهلا وسهلا فيكِ دندونتي ..

[قوت القلوب]

أهلا وسهلا قوت القلوب ..

اهلا فيكِ ياقمر ..


منورة الكرسي ..

منورة بوجودك ..


كم سؤال أحملهم في جعبتي وأتمنى أن أرى إجاباتك بكل صراحة ..

تفضلي الأسئلة ..


1) لماذا اخترتِ هذا اللقب ؟ وماذا يعني لك ؟

اخترته لانه اختي الكبيرة كان عاجبها ... وبيعنيلي انو حلو الاسم وعاجبني كتير ..

2) بمَ تصفين كل من :

فلسطني حر: فلسطيـني حر .. ماشاءالله عنو عنجد انو مبدع ..

بنت فلسطين: مهوية شوي .. ونشيطة كمان .. وردودها بتعجبني ..

نكشة راس : دماته خفاف .. ومواضيعه حلوة كمان ..

صمود غانم : طيوبة كتير وصريحة ومابتحب تشوف حدا زعلان ..

بنت النور : بنت النور هاي حبيبتي .. عنجد انو بتعجبني كتير وطريقة تفكيرها كتير حلوة .. ولمن اشوفها بنكون انا واياها مهويات كتير هههه خصوصا بالحديقة ض9

3) كيف هي قوت القلوب خارج المنتدى وكيف هي في المنتدى ؟ (( نفسيتك مزاجك ))

نفس الشي والله يعني اللي بعمله برات المنتدى بعمله كان بالمنتدى ونفس طريقة الحكي كمان ..

4) هل اللقب والاسلوب للعضو يدل على شيء من الواقع (( واقع العضو )) ؟


اه اكيد طبعا ً..

5) عبري بكلمة واحدة عن الكلمات التالية ..

القهر :


صعب جدا ً ..

الحزن :


الألم ..

النسيان :


الراحـــــــــــة ..

الحقد :


الكرهـ ..

الحق :


الإنتـــصــار ..

الأم :


منبع الحنانـ ..

الطفل :


البراءة ..

البحر :


الهدوء ..

الغيوم :


الجو حلو ..ض9

القمر :


الجمال ..

الظلم :


اصعب شي ..

6) ما هو أكثر قسم مفضل لديكِ في منتديات بنت فلسطين ؟؟ ولماذا ؟؟


والله كل الاقسام حلوة ..بس يمكن اكتر شي القسم الفلسطيني .. لانه بيحكي عن وطننا الغالي فلسطين ..

7) برأيك ماهو سر نجاح أي منتدى كان ؟؟


اكيد وجود الأعضاء وتفاعلهم بالمنتدى والمواضيع اللي بتكون موجودة كمان الها دور اساسي بنجاح المنتدى ..

8) بيدكِ خمس وردات لمن تهديها من أعضاء المنتدى ؟؟


1- لبنت فلسطين ..
2- فلسطيني حر ..
3- بنت النور ..
4- صمود ..
5- لكل المشاركين بالمتدى ..





9) ماهو أكثر موقف شعرتِ به بالثقة الكاملة ؟؟


احكي عادي يعني هههههههه يمكن لمن انفصلت من المدرسة لمدة 3 ايام .. بسبب المصيبة السودا اللي عملتها انا والشلة .. وحسيت بالثقة لاني كنت احكي معكم بكل ثقة
وانا ماغلطت ولا صاحباتي غلطوا كمان بدافع عنهم مع انهم انفصوا اكتر مني اسبوعين ياحرام غير التعهدات والانذارات اللي كتبوها .. وحتى لمن بابا حكى معي يعني كنت ارد عليه عادي .. خلص انفصلت وصار الي صار يعني مافي داعي لتسميع الكلام اللي مابحبه ..وايامها بصاحة كنت حاسة بالثقة كتير لانو كنت احكي مع المديرة عادي كمان انا والشلة .. تقريبا هاد اكتر شي ..


10) ماهي سلبيات بنت فلسطين وماهي إيجابيتها بكل صراحة ؟؟

حااااااااااضر بما انو بكل صراحة يعني ..

سلبياتها .. عنبدة كتير , مزاجية , عصبية :3135-image:، .. خلص بكفي ..

ايجابياتها .. مافي اي ايجابية ض9 .. مرات حنونة , بتدافع عني كتير مرات , وكتير شغلات بمزح والله ..


بنوتة فلسطين يسلمو عالأسئلة الحلوة ..

[امير الغرام]

مبروك عليكي كرسي الاعتراف قوت القلوب

وانشاء الله لي عوده على القريب العاجل

امير الغرام.

ض9

[بنت النور]

وأنا بحبك كمان قوت :D

يلا أنا شمرت وجبتلك كم سؤال ..

صفّي على جنب يا بنت وجاوبي عليهم كلهم .. الله يرضى عليك يا فلسطـيني حــر عرفت مين تختار ض9

خليني أبلش بالأسئلة ::

1- شو أكتر موقف مضحك صار معك ؟؟

2- مين مطربك ومطربتك المفضلين عندك ؟؟

3- لو استيقضت يوما ووجدت انك فقدت الذاكرة ماهو الشخص الذي لن تنساه ابدا؟ هههههههه جاوبي ضروري

4- شو آخر حلم احلمتيه ؟؟ >> أكيد أكيد حلمتي فيّ أنا عارفة :952-image:

5- مين توأم روحك في الحياة ؟؟

6- لو طلبت منك تهديني أغنية شو هي الأغنية اللي رح تهديني اياها ؟؟ :952-image:

بيكفي اليوم ..

أسئلة بسيطة بدقيقتين بتجاوبيها ..

أنا كنت بحمي بس ...

راجعة تاني راااجعة ..

باقي 4 أسئلة ما بنساهم ..

[قوت القلوب]

مبروك عليكي كرسي الاعتراف قوت القلوب

وانشاء الله لي عوده على القريب العاجل

امير الغرام.

ض9

الله يبارك فيك .. وعقبال عندك .. ض9

اهلا وسهلا فيك بأي وقت

[قوت القلوب]

وأنا بحبك كمان قوت :d

يلا أنا شمرت وجبتلك كم سؤال ..

ههههههههههههه طيب يادبة يادندن شمتانة فيي ..

صفّي على جنب يا بنت وجاوبي عليهم كلهم .. الله يرضى عليك يا فلسطـيني حــر عرفت مين تختار ض9

طيب بسيطة رح يجيكم يوم كلكم كلكم ههههههه

خليني أبلش بالأسئلة ::

1- شو أكتر موقف مضحك صار معك ؟؟

يووووو بدي اعدلك بصراحة كتير .. بس اللي جاي عبالي هلا .. مرة كنت طالعة انا ومرت اخوي واختي لولو كنا بالمول المهم كنت انا لابسة كعب عالي
والله لايورجيكي شو صار فيي .. طبعاً بطلت عارفة امشي رجلي تورموا ههههههههههه .. بس بالآخر ماقدرت اتحمل الوضع رحت شلحت الصندل (( الله يكرمكم ))
وصرت امشي حافية .. والناس كلها بتطلع علي .. واختي بنت فلسطين كان نفسها تطخني هههههه ال استحت البنت مني يعني هههههههههه .. بس شو يعني مافيها شي رجلي اجعوني ومشيت حافية وين المشكلة ..

2- مين مطربك ومطربتك المفضلين عندك ؟؟

مطربي المفضل : كاظم الساهر ..
ومطربتي : بحب اسمع لشيرين وبحب اسمع لأنغام ..

3- لو استيقضت يوما ووجدت انك فقدت الذاكرة ماهو الشخص الذي لن تنساه ابدا؟ هههههههه جاوبي ضروري

هههههههههههههههههههه بتعرفي انك مخلولة :952-image: ,, اكيد ماما وبابا .. يعني همي شخص واحد بالنسبة الي بس ماما اكتر بصراحة ..

4- شو آخر حلم احلمتيه ؟؟ >> أكيد أكيد حلمتي فيّ أنا عارفة :952-image:

هههههههههههههه اه طبعا فيكي ولوو دندن .. عشان هيك قمت مفزوعة من النوم ض9:2303-image: .. عم بمزح معك .. ألبي كلو إلك هههه ..
والله مش عارففة بالزبط شو آخر حلم .. لاني كنت نعسانة كتير مش عارفة اصلا حلمت ولا ماحلمت ..

5- مين توأم روحك في الحياة ؟؟

انتي دندن ..:952-image: طبعا ً كبر راسك كتير هلا ..

6- لو طلبت منك تهديني أغنية شو هي الأغنية اللي رح تهديني اياها ؟؟ :952-image:

هههههههههههه يقطع شرك على هيك سؤال .. بهديكي اغنية شفت الفار السندء اللي اكل البندء فوء سطح الفندء هههههههههههههههههههههههههههههههههههههههه هاي اهداء الك انتي وعمورة كمان يلااا هيصي ..

بيكفي اليوم ..

ياشيخة .. استهبليلك كمان شوي هههههههههههه

أسئلة بسيطة بدقيقتين بتجاوبيها ..

أنا كنت بحمي بس ...

المهم انك تكوني حميتي :3135-image:

راجعة تاني راااجعة ..

باقي 4 أسئلة ما بنساهم ..

هههههههههههههه اه امانة برقبتك ليوم الدين ههههههههههه




اهلا وسهلا دندونتي .. بستنى ..

[بنت النور]

مااااااشي يا قوت ..

شو هالأغنية اللي أهديتيني اياها >>> فضحتيني يا بنت:952 :952-image:

ما هقيتها منج مووول

بس عشان طلعت توأم روحك مشيتها الك ض9 >>> معلش أنا مصدقة .. :3163-image:

وبالنسبة للموقف المضحك خطيييير عجبني كتيييير

ومعاها حق أختك تطخك .. ما لئيتئ غير الموول تمشي حافية فيه !!

لو كنت مكان أختك كان تركتك وتبريت منك ..

[دمعة لاجئة]

اوه قوت هنا يا مرحبا يا مرحبا يالله سمي بالله واتوكلي عالله وبلشي جاوبي

س1 - ما هي أكثر اشي تنرفزك ؟

س2 - ما هي أكثر شي يسعدك ؟


س3 - في حياه الكثير منا نلجأ للصمت .. أنتي متى تلجئي للصمت ؟



س4 - حينما تغضبي ما هي اول رده فعل تفعليها ؟


س5 - تعرف تطبخي ؟


س6-هل انتي مشاركه في منتديات اخرى؟


س7-ما لونك المفضل ؟


س8-مشروبك المفضل واكلتك المفضله ؟



س9- هل المنتدى بنقصه شي اخر ؟



س10-اجمل هدية اجتك؟

[بنت فلسطين]

أعتذر منكم أحبتي ..

انتهى الوقت المحدد ..

..

الموضوع مغلق ..

..