امتحان الجنسية الاردنية

[دمعة لاجئة]

امتحان الجنسيّة الأردنية J





س1: اختر رمز الإجابة الصحيحة




(1) سلامتك من الـهسهس تقال
أ) لواحد قرصتو هسهسة (ب) لواحد أهبل (جـ) لواحد كل وجه د) لواحد بخاف من الهسهس



(2) اطلع من بين
(أ) الطلاب (ب) الطابور (جـ) الخبييزة (د)النعنع


(4) إلك ولا لـ
(أ) الذيب (ب) صاحبك (جـ) العقرب (د) ولا اشي





(5)شو في ما في
(أ) ما في شي (ب) كل شي (جـ) صافية وافية (د) أي شي

-----------------------------------------------------------------------------------------------------



س2: أكمل الفراغ ( الباب, راسي, كسدرة, الدار, زنون, مرحبا, (
(1)على راسي .................
(2) اطلع من ................. و سكر .................. وراك
(3)وضعك .................

--------------------------------------------------------------------------------------------------------



س3: عرف كل من ما يلي
الخاروف الفايع العتعيت الرخيص المشعوط الشنكوتي العرّيط الطنط الخز

هزيز الذنب الطربش


س4: ما الوصف ( الحالة النفسية ) التي تدل عليها كل من المصطلحات التالية


خاف عقلي , شايف الديك أرنب , طفران , معجوق , قرفان حالي , متدعدر , فاقعة معي , متكندر

----------------------------------------------------------------------

س5: بكلمتين فقط بين (كيف بتعرف الكذبة ) مع إعطاء مثال.



----------------------------------------------------------------------------------------------------------

س6 فرق بين كل من ما يلي من حيث المبدأ و الاستخدام
(أ)الحُصة, الجماعة, الخسة
(ب) وضعك حريقه, و ضعك ( Fire
(ج ( ولا إشي, بس بلاش
(د) بـ حيات شرفك, بـ حيات عرضك

----------------------------------------------------------------------



س7 من خلال مشيتك في الشوارع
( أ) من هم الدواوين ؟ &nb sp;
(ب) اذكر 2 ديونجيه من حارتكم و 2 من الحارات اللي جنب حارتكم؟
(جـ) من الفرع (ب) مين اكثر واحد ديونجي من المذكورين مع ذكر الأسباب؟ (خذ بعين الاعتبار مد الشفايف و التشبير و العرط (
(د) هل تعتبر نفسك من ديونجي ( نعم لا )، و لماذا ؟

[Shine angel]

طيب منا جنسيتي اردنيه وما عرفت اجاوب كل الامتحان والعمل يعني ض9
حرام تصعبوه للناس الي بدهم الجنسيه :3:
يعطيكي الف عافيه يا دمعه على الموضوع
تحياتي

[دمعة لاجئة]

له له له شاين شو هالحكي ول اشي ولا شي
هاد انتي بدك نزلة اما عمخيم الحسين او عالوحدات لتتعرفي اكتر عهاي الكلمات
تسلميييييييييي يا عسل عالمرور

[Shine angel]

مهو المشكله نزلت على اصخم من هالمناطق امثال الزرقا يعني ض9
وبرضو ناقصني خبره ض9

[دمعة لاجئة]

هههههههههههههههههههههه خلص ما عليكي بس تنزلي عالاردن تعالي بعطيكي دورة مكثفة
وبعملي مسخن اه بتعرفي مو ناسية العزيمة الي عزمتك اياها
مشكوووووووووووووووورة يا قمر عالمرور

[Shine angel]

هههههههههههههه
الله يعينك شو رح نخسري بس انزل على الاردن ض9
اول شي بدك تعمليلي سياحه بمنطه الوحدات ومخيم الحسين هاد اهم شي ض9
تانيا مسخخخخخن برضو اهم شي ض9
بس عفكره بنفس الوقت رح اخسر بلاوي بدك كمن خاروف وكمن راس ارجيله ودزينه برايات ض9
اقلك بطلت انزل عالاردن كلها ض9

[دمعة لاجئة]

هههههههههههههههههه يما عليكي
هلا بدك اياني اوديكي سياحة عمخيم الحسين ومخيم الوحدات لا يا بنت مقولتلك انا بعطيكي الدورة مش واثقة في ولا اقولك مهو بدي هيك هيك انزل عالوحدات بدي اشتري لفلسطيني بكسة كوسا منيح انك زكرتيني
اما المسخن من راسي بخلي الوالدة تطبخلك عحسابك
مشكوووووووووووووورة يا قمرة عالمرور

[بنت النور]

عرفت أحل هالسؤالين ..


(4) إلك ولا لـ
(أ) الذيب (ب) صاحبك (جـ) العقرب (د) ولا اشي


(2) اطلع من الدار و سكر الباب وراك


أما باقي الامتحان والله المصطلحات فيه خرندعية ما فهمت شي منو ..

لو كان الامتحان عن الجنسية الفلسطينية كمان ما كنت حعرف أجاوب ... ض9ض9

ههههههههه

مجهوليـــن الهوية :):)

تسلمي دمعــة ع الموضوع النااايس ،،،