iهل تؤيد استمرار عباس رئيساً لعام 2010...؟؟؟؟

[فلسطيني حر]

أحال الرئيس الفلسطيني الاحتكام في الخلاف بشأن موعد الانتخابات الرئاسية والتشريعية إلى القانون الفلسطيني، وأرجأ حسم خيارات الترشح ومواعيد الانتخاب إلى موعد لاحق. وفيما أعلن لقاء يجمع عباس ورئيس الوزراء الإسرائيلي الثلاثاء، واصلت السلطات المصرية جهودها لعقد جولة جديدة من الحوار الفلسطيني.

وقال محمود عباس إن الاحتكام سيكون للقانون فيما يتعلق بالانتخابات الرئاسية والتشريعية، وذلك عقب تصريحات رئيس المكتب السياسي لحركة المقاومة الإسلامية (حماس) خالد مشعل عن شرعية الرئيس الفلسطيني بعد يناير/كانون الثاني المقبل.

وأوضح عباس أنه مع القانون وليس فوقه. وأكد أن كافة الخيارات ستدرس بما فيها تاريخ التاسع من يناير/كانون الثاني القادم. وكان عباس يعقب بذلك على تصريحات مشعل بأنه لا شرعية لرئيس السلطة الفلسطينية بعد التاسع من يناير/كانون الثاني القادم إلا بالانتخاب.

وجاءت تصريحات مشعل في وقت نشرت فيه صحيفة "هآرتس" الإسرائيلية مقابلة مع الرئيس الفلسطيني دعا فيها لإجراء الانتخابات التشريعية والرئاسية الفلسطينية في عام 2010؛ وهو ما فهم منه أن عباس باق في سدة الرئاسة حتى ذلك التاريخ.

وردا على تصريحات خالد مشعل قال رئيس كتلة حركة التحرير الوطني الفلسطيني(فتح) في المجلس التشريعي الفلسطيني عزام الأحمد إن قانون الانتخابات الفلسطيني ينص على أن تجرى الانتخابات التشريعية والرئاسية معا أي في عام 2010.

خسران الشرعية

وقال الناطق باسم حركة حماس سامي أبو زهري إنه إذا بقي عباس في السلطة بدون إجراء انتخابات رئاسية فسيخسر الشرعية وسيخسر السلطة والحق في إصدار أي قرارات. وأضاف أن حماس "ستتعامل بعد ذلك معه بوصفه مغتصبا للسلطة ومنتهكا للقانون".

وقال أمين سر اللجنة التنفيذية لمنظمة التحرير الفلسطينية ياسر عبد ربه -وهو أحد المقربين من عباس- لإذاعة فلسطين إنه يوجد قانون انتخابي وقرار من البرلمان يقول إن الانتخابات الرئاسية والتشريعية ستجريان في آن واحد في عام 2010.

وحذر قيادي بارز في حركة الجهاد الإسلامي مؤخرا من أنه ما لم تتوصل الفصائل قريبا إلى اتفاق بشأن موعد إجراء الانتخابات فسيقع المزيد من أعمال العنف.

ورفض فهمي الزعارير المتحدث باسم حركة فتح تشكيك حركة حماس في شرعية عباس بعد يناير/كانون الثاني المقبل، قائلا إن "شرعية عباس دستورية وديمقراطية

[قوت القلوب]

لفت انتباهي الموضوع بشكل كبير ..

مع اني انتمي انتمي لحركة فتح ومعنى ذلك .. لااكره حماس فهي حركة عظيمة .. وكانت لها بطولاتها التي

تحدث عنها التريخ وقد برز منها القائد احمد ياسين رحمه الله .. التي لن تنجب مثله حركة حماس في تاريخها ابدا ً ..


بالنسبة للموضوع .. ارفض ان يكون رئيس فلسطين محمود عباس .. ولكن من ناحية اخرى .. ماذا فعلت حماس في غزة الآن .. وماذا فعلت فتح في الضفة ..؟؟! بل كيف يعيش اهلنا في القطاع وكيف يعيشون في الضفة .. ؟

فرق وااضح جدا ً .. حكومة هنية المقالة .. قد ساهمت في تدمير القطاع وتجويع الناس واستشهاد الأطفال ..؟ بكثير من الطرق .. ماذا نرى في غزة الآن سوى الجوع والفقر الذي يعاني منه اهل هذه القطاع وسيعانون منه إلى متى الله اعلم .. !

محمود عباس ساهم في الإفراج عن كثير من الأسرى والمعتقلين من سجون الإحتلال وايضا ً في الضفة لانشاهد الأفلام المرعبة التي اعتدناها على اهلنا في غزة ..

اذا ً لماذا لانؤيد حكومة عباس .. وبالتالي لاانكر موقف هنية الاامبالة بصراحة ..

اذا رجعنا للخلف قبل 3 سنين تقريبا .. من كان السبب الرئيسي بالتفرقة العنصرية التي نشاهدها الآن في غزة والضفة والإنقسام الداخلي .. والإنقلابات التي رأيناها على تلفزيون فلسطين وكثير الكثير بصراحة .. حماااااس بعد ملاتفعله من اعمال كهذه بأي حق تبقى حكومة وطنية كهذه لنا .. هذه ماقاله الختيار رحمة الله عليه ياسر عرفات .. الذي حاصره الأعداء في رام الله وكرس حياته لخدمة وطنه وشعبه ودافع عن القضية الفلسطينية ..

ليس كما نرى الآن همنا الوحيد مين يقعد عالكرسي والشعب بيموت منهم بالعشرات يوميا ً ..

عنجد ضحكنا العالم علينا ..

بالنسبة لي أؤيد بقاء الرئيس محمود عباس ..



لابد ان يأتي يوم ونعرف الحق من الباطل ..

يعطيك العافية فلسطيني حر .. طرح موفق ..

[فلسطيني حر]

قوت القلوب ما حد يقدر يحكم على حماس او فتح الا الي عايشين بينهم


انا اقول مع حماس وبنفس الوقت لا اكره فتح ومع الايام احس اني اكره حماس وفتح

التنين عاملين مثل مسابقات طلاب المدارس يعني....

ساكنين في نفس البلد وفي نفس الحارة وبعضهم متجوزين من بعض

داخل ارض المسابقة (ارض المعركة) اعداء الغلط واضح الرئيس عباس ما عمل ولا شي في البلد

لا اصوت مع عباس بس المشكلة لو طلع عباس ما هو البديل عنه

اشكرك على تالقك قوت القلوب انشاء الله ابطال فلسطين تفكر بارضها قبل ما تفكر بمستقبلها البلد تبني مستقبلهم

لكي مودتي

q2

[ابن جبل النار]

لا اؤيد عباس ان يكون عباس
الرئيس

لأني شايف أنو أولمرت هو الرئيس مش عباس

[فلسطيني حر]

صح لسانك ابن جبل النار

تحياتي لك

q2

[قوت القلوب]

قوت القلوب ما حد يقدر يحكم على حماس او فتح الا الي عايشين بينهم


انا اقول مع حماس وبنفس الوقت لا اكره فتح ومع الايام احس اني اكره حماس وفتح

التنين عاملين مثل مسابقات طلاب المدارس يعني....

ساكنين في نفس البلد وفي نفس الحارة وبعضهم متجوزين من بعض

داخل ارض المسابقة (ارض المعركة) اعداء الغلط واضح الرئيس عباس ما عمل ولا شي في البلد

لا اصوت مع عباس بس المشكلة لو طلع عباس ما هو البديل عنه

اشكرك على تالقك قوت القلوب انشاء الله ابطال فلسطين تفكر بارضها قبل ما تفكر بمستقبلها البلد تبني مستقبلهم

لكي مودتي

q2


انا معك .. ماحدا بيقدر يحكم غير العايشين هناك ..

ولكن هناك وسائل اعلامية نتمكن من خلالها معرفة كل شيئ .. هلا حط على قناة فلسطين وشوف شو بيحكو عن حماس وحط عالأقصى وشوف شو بيحكو عن فتح .. والله شغلة بتضحك .. شعب واحد .. شو الفايدة من هالوسائل الإعلامية .. انو نحكي عن بعض وبس .. نسيوا القضية الأهم والمشكلة انه هاد هدف الإستعمار ..

بعدين مش معنى اني اؤيد وجود عباس رئيس يعني بحبو وهو الصح .. بالعكس انا حكيت انو خاااااااين عباس وهاي شغلة معروفة .. بس لو بدنا نفكر فيها .. هنية شو عمل بغزة من اول مااخد الحكم لهلا .. ومع هيك عباس ماعمل كتير بس عالأقل يمكن يعمل عالأقل ماجوع الناس بالضفة وافرج عن اسرى قبل حوالي 3 شهور ..


يسلموو فلسطيني حر كماان مرة ..

[دمعة لاجئة]

ما بايد انو يبقى عباس لبكرة حتى ايد حتى يبقى ل2010
براي ان اي حاكم لدولة محتلة يصافح ويمد يده الى رئيس دولة الاحتلال
فهو غير جدير في هذا المكان ولا ليكون رئيس لدولة عظيمة كدولة فلسطين
ولكن قوت بس اعلق شوي ويا ريت يا قمر تتقبلي كلامي
هنية حاكم مستقل رفض المذلة فكانت النتيجة المقاطة واغلاق المعابر وغيرو رغم هذا فهي تحتاج لللعودة كما كانت في عهد احمد ياسين وغيره
قوت عباس يفرج عن عدد من الاسرى بعد كم شهر ببياخد الضعف
بس حركة فتح حركة رائعة ولكنها تفتقد لرئيس ليحميها رئيس عظيم كياسر عرفات
مشكور فلسطيني عالموضوع
تقبل مروري

[انا فلسطينية]

مع العلم اني انا فتح بالدرجة الاولي لكن كمان ما بأيد انو هالعباس يكون الرئيس والمشكلة انو كما تفضلت اخي فلسطيني انو مين البديل والمشكلة كمان لما قال اخونا ابن جبل النار انو اولمرت هوة الرئيس وكلامه صح لانو زي ما بيقول اولمرت بنمشي
وهلا مش اولمرت صارت تحكنى وحدة يعني خربت البلاد
شكرا اخي فلسطيني عالموضوع الرائع جدا جدا
ويعطيك الف عافية
وللعلم بعد ابو عمار الياسر الله يرحمه ما في انسان بالدنيا كلها ممكن انو يقدر يحكم فلسطين

[امير الغرام]

قوت القلوب

فلسطيني حر

انا بايد كلامكم

بس في امور كمان لازم تكون بعين الاعتبار

ماذا فعلت حركه حماس في غزه وبعد الانقلاب الدموي

لم تعمل للمواطنين اي شي بل زادت من ماساتهم اليوميه

وهاد واقع ولكل مطلع عليه

المعابر مغلقه قطع الوقود قطع الكهرباء

ماذا فعلت حركه فتح
نعم المعابر كانت تسير بشكل جيد

الوقود الكهرباء المواد التموينيه

اما بنسبه لرئاسه انا ضد انو يكون ابو مازن لانه الانتخابابت في وقتها راح تخفف من التوتر والصدع نتركها لشعب وهوه بختار

والله الموكل

[بنت فلسطين]

لا أؤيد ,, ولكن

بنفس الوقت أعتقد أن بين عباس وهنية .. الأجدر بالحكومة هو عباس ..

كل العالم على مرأى ومسمع مما يحدث في فلسطين من بعد استلام هنية لرئاسة الوزراء ..

وعلى مرأى ومسمع أيضا من المسلسل الذي لا يريد المخرج إنهاء حلقاته السخيفة ..!

الاقتتال العربي العربي ..!!!!

لهذه الدرجة وصلت بنا الحال .. أن نعادي أبناء شعبنا ونقاتلهم وما السبب ؟؟!

مجرد أنا فتح وهو حماس ..!

بالفعل عذر أقبح من ذنب ..

فلنكون واقعيون بعض الشيء .. ماذا فعلت حماس لفلسطين في الآونة الأخيرة ؟؟!

وهل هذا كان وضعنا في عهد الرئيس القائد الراحل أبو عمار ؟؟!

وكلنا على علم ودراية بأن الرئيس الراحل هو مؤسس حركة فتح ..

أي أنه شتان بين ما كان في عهد أبو عمار وبين ما نشاهده الآن في عهد هنية ..!

شيء مؤسف بالفعل ..

موضوع يطول الحديث فيه .. لا يمكنني حصره ببضعة أحرف ..

كانت مداخلة على السريع لمحتوى الموضوع الذي استفزني فعلا ..

شكرا .. ولي عودة ..

[طوق الياسمين]

انا بصراحة لا أؤيد وجود عباس ولا هنيه,,,

يعني المفروض الانتخبات الرئاسية تعلن في وقتها وايضا انتخابات الحكومه"رئاسة الوزارة"


ويكون الاتفاق على انه اي نتيجة بتصدر لازم يوافق عليها الجميع

لانها صدرت عن الشعب الفلسطيني

وبرأيي لازم تتم بوجود مشرفين دوليين"احبذ اوربيين" حتى المجتمع الدولي يرضخ للنتيجة ايا كانت

ولكم مودتي

[ذكـــريـــات]

اخوي فلسطيني حر موضوع رائع وشدني العنوان كتير وحبيت افوت واعطيكم رائيي بما انو انا عايشة بقلب الحدث
وكل يوم بنشوف شوفات عجب انا الصراحه ما صرت فتحاويه لا لما شفت حماس على حقيقتها وشفتهم كيف بيعاملو الناس هون صحيح طلعت قاده كبار وانحفر اسمعم في التاريخ وسجلو كتير بطولات وجاهدو في سبيل الله لكن انا راح احكي عن حماس الجديده بعهد هنيه ....ع الاقل ايام فتح همي نفسهم الحمساويه كانو يعملو الي بدهم ياه بس هلأ في عهد حماس ممنوع الفتحاوي يعمل اي شي ازا بزكرى وفاة القائد ابو عمار الله يرحمو منعو الاحتفالات والتجمعات الفتحاويه والكل بيعرف هون ليه هيك هيي بتعمل وجرد اي واحد يلبس الكوفيه وما شي بأمان الله بيطبو عليه الضرب من جها والشتايم من جها انا ما بحكي هالكلام تشهير بحماس لا بس بحكي شو الي بيسر على ارض الواقع وبدون اي تحيز...وبحكي كل شي على عين الواقع انا اختي بجامعه فتحاويه كل يومين وطابين عليهم بدون اي اسباب والتكسير من جهه والضرب من جهه وهاد الشي مو بس ع الشباب وع البنات كمان وبيجو يحكو ع تلفزيونهم نحمل ادراة الجامعه وهاد بيكون كزب بس بيبررو تهجمهم بكزبه...... حتى التلفزيونات ما بتعبر متل العين المجرده اصلا كل الاخبار الي فيها كزب...شو بدي احكي لأاحكي والله لو للصبح ما راح اخلص الله يعينا ويعين الجميع بس....
انا ما بئيد يكون الرئيس بس ازا خيروني بين عباس ولا هنيه راح اختار عباس..........يسلمو فلسطيني حر ع الموضوع
تقبل مروري..

[يعقوب يوسف الحواري]

السلام عليكم ورحمة الله وبركاتهد
في البدايه الموضوع كتير حلو مشكورين اخي فلسطيني حر على هالموضوع المميز
تاني شي انا اقول انو ما في احق من حركة فتح تولي القيادة والرئاسه بغض النظر محمود عباس الرئيس ولا واحد غيرو
لانو هي التي عملت كيان للدوله وهي والتي ضحت من اجل دوله فلسطينيه في السابق بقيادة قائدنا المرحوم ابوعمار الياسر
ثانيا حماس في نظري الان لم تصبح كالسابق تعمل من اجل القضيه با اصبحت تعمل من اجل المناصب والكراسي
وانا لا اامن الان بحركة حماس حركة جهاديه بعد استشهاد قائدها ومؤسسها الشهيد الشيخ احمد ياسين والدكتور المناضل الرنتيسي
لماذا منعو اهالي غزه من احتفال تابين القائد ابو عمار لانوا في السنه الماضيه كان ما يزيد عن مئة الف مواطن حضرو التابين وهذا يبين ان الشعب يريد فتح ويريد السلطه ولو يعيدو انتخابات المجلس التشرعي انا بنظري حماس لا يتيها ولا صوت من اهل غزه لما عانوه من الدامر والحصار والجوع في عهد حماس
وانا اقول لحماس دعوا القياده لصناع القياده
وعلى راي القائد المرحوم الياسر ابو عمار اللي مش عاجبو يشرب من بحر غزه
اخوكم الحوااااااااااااااااري

[ahmad]

بكلمات قليله

لا يوجد تنظيم او حزب على وجه الارض لا يريد ان ينجح ولكن كيف


انتخابات تحت احتلال

ديمقراطيه ناقصه وتحميل المسؤليه على الفصيل جريمه

لو اراد الاحتلال لحماس ان تنجح في غزه لرفع الحصار

ولو اراد لرئيس السلطه ان ينجح لفعل كد و كدا والكل يعلم مايجب فعله

الاهم من دلك وقوع الانقسام نفسه............ ومن يكون الرئيس ليس له اهميه

لان اي رئيس مش حيرجع حيفا او عكا .............

عجبت كل العجب من انسان يقبل ان يكون رئيس او وزير في هده الضروف

يا اخوه ارجوكم دون انتقاد للدات يجب ان نحاسب العدو فقط

يجب ان نبتكر الطرق التي توصلنا الى محاسبته ..............الانسان الفلسطيني مل من

حكاية فتح......وحماس.العدو............ تجار الدم........اعداء الامه من بني جلدتنا........العملاء.......

هؤلاء المشكله........لا اريد ان اطيل ......تحياتي الاخ فلسطيني حر

والى جميع المعلقين على الموضوع ومره اخرى ........العدو........العدو.........العدو.......

كل السهام الى العدو فقط.......ومين يكون الرئيس مش مهم........

[بنت فلسطين]

أحمد .. ردك يدل على رقيّ تفكيرك الرائع ..

أنت مثال لكل إنسان يسعى للحرية والراحة تحت أي ظرف من الظروف ..

رد مميز كحضورك المميز ..

بارك الله فيك .. وزي ما منحكي الله يسعد البطن اللي حملك ..

[عاشقة الياسر]

مشكورة اخت القمر على التنبيه



ملاحظة انا لم اشترك بهذا الموضوع لانها موضوع حساس بالنسبة
لى ويصعب اقناع الطرف الاخر مما يسبب خلاف بين الاعضاء
افضل عدم المشاركة مع انى متابعة جيدة لهذا الموضوع ..
...

[فلسطيني حر]

اخواني اعتقد ان الموضوع مفتوح للنقاش ولتبادل ارائكم

لمن يعلم بالغيب فل يعلم الغائب

مع العلم لم ارى اي نقاش يخص حماس او فتح كان النقاش مفتوح بشغل عادي

احترامي وتقديري ل ميمي على تواضعك

للابتعاد عن المشاكل ومناقشة الحل لعل وعسى وجدنا حل

سوف اغلق الموضوع ولا اسمح بالنقاش به

اقدم اعتذاري انا المسبب

مودتي واحترامي لكم q2